Búgin, Qaraǵandy oblysynda COVID-19 indetimen aýyrǵan 11 naýqas aýrýhanadan jazylyp shyqty, dep habarlady oblys ákiminiń baspasóz qyzmeti.
Koronavırýsty jeńgenderdiń jeteýi – qaraǵandylyq. Olardyń ekeýi – 1961, 1978 jyldary týǵan áıelder, úsheýi – 1961, 1978 jyldary dúnıege kelgen er adamdar, sondaı-aq ekeýi – 2007 jáne 2015 jylǵy qyz balalar.
Jazylǵandardyń arasynda Temirtaý qalasynyń eki turǵyny bar. Bireýi – 68 jastaǵy áıel jáne ekinshisi – 1975 jylǵy er adam.
Bulardan ózge Shahtınsk qalasynda turatyn 43 jastaǵy áıel men Shet aýdanynyń 1986 jyly týǵan turǵyny da jazylǵandardyń esebinde úı karantınine jiberildi.
Búginge, ıaǵnı 29 sáýirge kelip túsken málimetterge saı, oblysta «jaman tumaýdan» jazylǵandardyń jalpy sany 57 adamǵa jetti.
Qaraǵandy oblysy