Nursultan Nazarbaev halyqaralyq áýejaıy tótenshe jaǵdaı rejıminde sanıtarlyq talaptardy kúsheıtkenin málimdedi. Bul týraly áýejaıdyń baspasóz qyzmeti habarlady.
Nur-Sultan-Almaty reısteriniń qaıta jańartylýyna baılanysty halyqaralyq áýejaıdyń T2 termınalyna kirý vokzal mańy alańynan júrgiziledi. Ishke kirý tek SOVID-19 PTR testiniń teris nátıjesi bar anyqtama bolǵan jaǵdaıda (berilgen sátten bastap 7 kúnge jaramdy) ǵana jolaýshylarǵa ruqsat etiledi.
Shyǵaryp salýshylarǵa termınaldyń ishinde bolýyna tyıym salynady. Anyqtama men dene qyzýyn ólsheý termınalǵa kirer kezde júrgiziledi. Termınalda jolaýshylar maskamen jáne qolǵappen júrýi tıis. Termınal aýmaǵynda qoldy dezınfeksııalaýǵa arnalǵan qurylǵylar bar. Tirkeýge jáne tekserýge kezekke turǵan kezde ara qashyqtyq 1,5 metrden kem bolmaýy tıis. Ushaqqa balalaryn shyǵaryp salatyn ata-analardyń da COVID-19 testileý týraly anyqtamasy bolýy kerek, eger ol joq bolsa, áýe kompanııasynyń ókili balany kire beriste qarsy alyp, tirkeýge aparady.
Testileý týraly anyqtama múmkindigi shekteýli adamdardy ertip júretin tulǵalarda da bolýy kerek, eger bolmasa termınaldyń kireberisindegi arnaıy batyrmanyń kómegimen sanıtardy shaqyrý qajet. Reıske onlaın tirkelý kerek.