Ál-Farabı atyndaǵy QazUÝ áskerı kafedrasy Qazaqstan Qarýly Kúshteriniń qurmetti ardageri, general-maıor Vladımır Petrovıch Bondarenkomen onlaın-konferensııa ótkizdi. Is-sharaǵa kafedra stýdentteri, oqý vzvod komandırleri jáne oqytýshylar qatysty.
General V.P. Bondarenko táýelsiz Qazaqstannyń Qarýly Kúshteriniń qurylýynyń bastaýynda bolǵan. Uzaq ýaqyt boıy ol Qazaqstan Respýblıkasynyń Áýe qorǵanysy kúshteri bas qolbasshysynyń orynbasary jáne keńesshisi, sondaı-aq tárbıe jumysy boıynsha birqatar eren ofıserler tobynyń tálimgeri boldy, dep habarlaıdy kaznu.kz.
Beınekonferensııa barysynda eńbek sińirgen ardager qazaqstandyq armııanyń qalyptasýy, komandırlerdiń tárbıe jumysynyń erekshelikteri jáne oqý-jattyǵý daıyndyqtaryn sátti uıymdastyrý týraly áńgimeledi. Onlaın-suhbat kezinde stýdentter qonaqqa suraqtar qoıdy. Olar Áýe qorǵanysy kúshterindegi áskerı qyzmettiń erekshelikteri, ofıserlerdiń boıynda bolýy kerek qasıettermen qatar jetistikke jetýlerine múmkindik beretin ómirlik nusqaýlarǵa qyzyǵýshylyq tanytty. Vladımır Petrovıch kýrsanttarǵa óziniń jaýyrgerlik eńbegi, áskerdegi tárbıe jumysy jáne Otan qorǵaýshylar kúni men II Dúnıejúzilik soǵystaǵy Jeńis kúniniń tarıhı mańyzy týraly aıtyp berdi.
Beınekonferensııa mazmundy ótip, áskerı kafedranyń stýdentteri úshin batyldyq sabaǵynyń bastaýyna aınaldy.