Halyqaralyq qutqarý komıteti (IRC) sarapshylarynyń baǵalaýy boıynsha, álemdegi koronavırýsty juqtyrý jaǵdaılarynyń sany bir mıllıard adamǵa jetýi múmkin.
Gýmanıtarlyq kómek máselelerimen aınalysatyn komıtettiń esebinde kedeı elderdiń densaýlyq saqtaý jáne áleýmettik qamtamasyz etý júıeleriniń qalypty jaǵdaıy pandemııaǵa qarsy turýǵa múmkindik bermeı otyr. Qujatta qalyptasqan jaǵdaı - bul tek qarýly qaqtyǵystardan jáne turaqsyz ekonomıkalyq jaǵdaıdan zardap shekken elderdiń ǵana emes, búkil álemdi tolǵandyrady.
IRC atqarýshy dırektory Devıd Mılıbendtiń aıtýynsha, eger qajet etetin aımaqtarǵa dereý kómek kórsetpese, taıaý aptada Aýǵanstan, Sırııany jáne Iemendi qosa alǵanda, tek 34 elde ǵana koronavırýstan 3,2 mıllıon adam kóz jumady. Sonymen qatar, bul taıaý bolashaqta álemde COVID-19 juqtyrǵandardyń sany 500 mıllıonnan mıllıard adamǵa deıin ósýi múmkin. Sarapshylardyń boljamdary London Imperııalyq kolledji men Dúnıejúzilik densaýlyq saqtaý uıymy (DDU) daıyndaǵan málimetterdiń epıdemıologııalyq modeline negizdelgen. Bul model ártúrli elderdegi jas qurylymyn, áleýmettik baılanystar modelin, sondaı-aq Qytaıda erte órshýden bolatyn ólim-jitim kórsetkishterin qosa alǵanda, kóptegen faktorlardy eskere otyryp jasalǵan.
IRC dırektory pandemııamen kúreste dál qazir búkil álemniń kúsh-jigerdi biriktirýi, qarjylaı qoldaý kórsetýi jáne muqtaj elderdiń ondyǵyna gýmanıtarlyq kómek kórsetýdi jalǵastyrý qajettigin atap ótti.