Aǵymdaǵy jyldyń birinshi toqsanynda Ksell abonenttik bazasy 283 myń paıdalanýshyǵa qysqardy. 2019 jyldyń basynda Kcell abonentteriniń sany 10 mıllıon bolǵan.
KASE saıtynda jarııalanǵan kompanııanyń esebinde kompanııanyń 7,992 mln abonenti bar ekendigi aıtylady. Esepte abonenttik bazanyń qysqarýy sapaly klıentterdi tartý jáne kólemge negizdelgen dıstrıbýsııadan alshaqtaý strategııasynyń áseri. «ARPU kórsetkishi 18,9 paıyzǵa ósken. Bul abonenttik qyzmet sapasynyń jaqsarýyna yqpal etip, olardyń kópshiligi keńeıtilgen kontent usynystaryn qabyldaýda», - dep atap ótti Basqarma tóraǵasy, Ksell bas atqarýshy dırektory Kaspars Kýkelıs.
Kompanııanyń taza satý kólemi 13,9 paıyzǵa artyp, 40,062 mlrd teńgeni qurasa, qyzmetterdi satýdan túsken tabys 9,4 paıyzǵa ósip, 34,6 mlrd teńgege artqan.
«Qazaqstannyń iri qalalarynda engizilgen karantın bizdiń qyzmetimizdiń deńgeıi men aýqymyna aıtarlyqtaı áser etti. Alaıda jaǵdaı áli de damyp kele jatqanyn eskere otyryp, pandemııanyń Kcell qyzmetine áserin boljaý múmkin emes. Jyldyń birinshi toqsanynda jınalǵan damý qarqynyn saqtap qalǵanymyzǵa qaramastan, aǵymdaǵy jyldyń qalǵan kezeńindegi nátıjeler belgisiz», – dep atap ótti Kaspars Kýkelıs.