Eldegi jumyssyzdyq ahýaly týraly Qyrǵyzstan Parlament májilisinde premer-mınıstr Muhammedqalı Ábilǵazıev málimdedi. Qazirgi kezde respýblıkada daǵdarysqa qarsy is qımyldar aıasynda bıznesti qoldaý maqsatynda nesıe jáne salyqtardy tóleýdi keıinge qaldyrý qarastyryldy.
Vıse-premer Erkın Asrandıevtiń aıtýynsha, el bıýdjeti qazirgi kezde qıyn jaǵdaıda. Bir mıllıonnan astam adam ýaqytsha jumyssyz qaldy. Aldaǵy ýaqytta bıznes baǵdary ózgeredi, keıbir kásiporyndar jabylady. Osyndaı jaǵdaıda ekonomıkany qoldaý úshin 14 mıllıard dollar qajet. Aldaǵy ýaqytta bul somany ulǵaıtý kerek.
Budan buryn málim bolǵanyndaı, Qazaqstannan gýmanıtarlyq kómek retinde Qyrǵyz Respýblıkasyna 800 tonna un jetkizgen bolatyn. Bul Qyrǵyz eline kórsetiletin gýmanıtarlyq kómektiń alǵashqy partııasy. Júk barlyq sanıtarlyq-epıdemıologııalyq normalar saqtala otyryp, temirjol arqyly 12 vagonmen jetkizildi. Qyrǵyz basshylyǵy Qazaqstanǵa bul kómegi úshin rızashylyǵyn bildirýde.