Bıýdjet qarajatyn ońdy-soldy jumsaýǵa bola ma? Desek te, mundaı olqylyq ásirese, memlekettik satyp alýda jıi kezdesedi.
Osyǵan oraı Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti memlekettik satyp alýdyń jaı-kúıine monıtorıng júrgizdi. Onyń barysynda bir taýardy ár túrli mekemeler negizsiz joǵary baǵamen jarııalaǵany anyqtady.
– Máselen, Atyraý oblystyq bilim berý basqarmasyna qarasty «Maqat munaı jáne gaz tehnologııalyq kolledji» MM-si 1 lıtr aırandy 450 teńgege baǵalap, jalpy somasy 38 000 teńge artyq qarajat jumsapty. Al, 1-3% maılylyǵy bar sút óniminiń 1 lıtrin 350 teńgeden satyp alyp, nátıjesinde 98 000 teńgege joǵary baǵa belgilegen. Osyndaı joǵary baǵamen satyp alý faktileri shaı (1 kg –3500 teńge) men keptirilgen jemis-jıdekterdi (1 kg –1000 teńge) satyp alý kezinde de baıqaldy.
Sonymen birge, memlekettik organdardyń basym bóligi A4 formattaǵy aq qaǵaz alady. Alaıda, onyń somasy bir dana úshin 1800 teńgege deıin jetedi. Ony myna derekten ańǵarýǵa bolady. Qurmanǵazy aýdanyndaǵy Orly aýyldyq okrýgi ákiminiń apparaty 1700 teńgeden alsa, Súıindik aýyldyq mádenıet úıi jáne Labaı aýyldyq klýby 1800 teńgeden 45 danasyn 81 000 teńgege alǵan. Qazirgi tańda naryqtyq baǵaǵa sáıkes A4 formatyndaǵy aq qaǵazdyń bir danasynyń quny – 1450 teńge. Iаǵnı joǵaryda atalǵan mekemelermen taýar 15 750 teńgege joǵary baǵalaǵan. «Turmystyq kyzmet» mekemesi bir dana kartrıdjdi 80 000 teńgege satyp alǵan. Bul baǵaǵa bir emes, eki prınter alýǵa bolady. О́ıtkeni, kartrıdjdyń naryqta baǵasy 20 000 teńgeden aspaıdy, - dep habarlady oblystyq departamenttiń baspasóz qyzmeti.