Karantındik rejimde densaýlyq salasynyń jyldyq ósimi 6 paıyzdy qurady. Eldegi medısınalyq uıymdardyń qarjylyq turaqtylyǵyna Áleýmettik medısınalyq saqtandyrý qory qoldaý kórsetti.
Bir jyl ishinde ambýlatorııalyq-sanatorlyq-kýrorttyq qyzmetter 6,2 paıyzǵa, farmasevtıka 4,7 paıyzǵa qymbattaǵan. finprom.kz málimetterine súıensek, farmasevtıkalyq preparattar ishinde antıseptıkter 7,6, vıtamınder 7,2 jáne antıbıotıkter 7 paıyzǵa qymbattaǵan. Ambýlatorııalyq-emhanalyq qyzmet kórsetý salasynda stomatologııa 9,5, dárigerdiń alǵashqy qabyldaýyna barý - 7,4, medısınalyq zerthanalar qyzmeti - 5,4, maman dárigerlerdiń qyzmeti 2,6 paıyzǵa qymbattady.
О́ńirler boıynsha densaýlyq saqtaý salasynda ósim Qaraǵandy + 12,3, Jambyl 7,6 jáne Soltústik Qazaqstan +7,5 oblystarynda baıqaldy.
Áleýmettik medısınalyq saqtandyrý qory medısınalyq uıymdardyń qarjylyq turaqtylyǵyna qoldaý kórsetedi. FSMS qazirdiń ózinde medısınalyq kómektiń kepildik berilgen kólemi men medısınalyq saqtandyrý aıasynda medısınalyq qyzmetterge tarıfterdi qaıta qaraý úshin ulttyq valıýta baǵamyn kóterý usynystar daıyndady.
Qor málimetinshe, valıýtanyń nyǵaıýy birneshe baptarǵa, atap aıtqanda, sheteldik dári-dármekterdi satyp alýǵa jáne shetelde emdeýdi uıymdastyrýǵa aıtarlyqtaı áser etken. Tıisinshe, qor shyǵyndary shamamen 27 mıllıard teńgeni quraýy múmkin, bul qarajat shyǵyndar josparyn túzetý kezinde eskeriletin bolady.