Almaty qalasy fızıka-matematıka baǵytyndaǵy Nazarbaev Zııatkerlik mektebiniń 12L synyp oqýshysy Nurjan Isabaev Fordham University-diń (Nıý Iork, AQSh) grant ıegeri atandy.
Nurjan Isabaev sonymen birge Drexel University-inen de (Pensılvanııa, AQSh) shaqyrtý aldy. Nurjannyń jetistikteriniń qatarynda Nıý-Iorktiń eń bıik kópqabatty ǵımaraty - I Dúnıejúzilik saýda ortalyǵynda (One World Trade Center) ótken taǵylymdamasy.
Qazir túlek uıaly qosymsha ázirleýmen aınalysýda. Avtorlyq jobasyn otandyq naryqqa shyǵarý oıynda bar. Nurjannyń aıtýynsha, bul qosymsha arqyly adamdar ýaqyty men qarjysyn únemdeı alady. Zııatkerlik mekteptiń baspasóz qyzmetiniń habarlamasyna súıensek, óz joly hám tańdaýy týraly aıta otyryp, Nurjan áıgili Mark Tvenniń «Bizdiń ómirimizde eń baqytty eki kún ǵana bar: birinshisi – dúnıege kelgen kúnimiz, ekinshisi – ne úshin kelgenimizdi uqqan kún» degenin tilge tıek etedi. Bilimge qushtar ári óz baǵytyna bekem Nurjan «Men óz baǵytymdy taptym: bul álemge qundylyq syılap, adamzat tarıhyn jańa joldan jazýdy qolǵa alý» dep atap ótti.
ALMATY