Búgin saǵat 17.01-de oblystyq tótenshe jaǵdaı departamentine Jitiqara qalasynyń shetindegi «Mıchýrınes» saıajaıy órtenip jatqany týraly habar kelip túsken. Keıin órttiń tutanǵan qýraıdan shyqqany belgili bolady. Qyzyl jalyn ıesiz turǵan 7 úıdi jáne jurt tastap ketken 15 saıajaı telimin sharpyǵan.
- О́rtti birden sóndirýge jyldamdyǵy 23 m/s bolatyn kúshti jel kóp kedergi boldy. Soǵan qaramastan tilsiz jaý saǵat 18.37-de tolyq aýyzdyqtaldy. Zııan shekkender joq, - dep habarlady TJD-nyń baspasóz qyzmeti.
Resmı málimet boıynsha, 1 jarym gektardaı aýmaqty sharpyǵan qyzyl jalyndy toqtatýǵa 6 órt sóndirgish jáne órtke qarsy 3 arnaıy tehnıka, sondaı-aq on shaqyt órt sóndirýshi jumylǵan.