Biz qandaı qıyn kezeńde de qınalǵanǵa qol ushyn soza bilgen, súringendi demegen, jylaǵandy jubatqan halyqpyz. Elge de, erge de úlken syn bolyp, GOVID-19-dyń bet qaratpas dúleı daýyly soǵyp turǵan sátte ata-babalarymyzdan aýysqan osy qasıetimiz búgingi qoǵam múshelerine de sińisti bolǵanyna kózimiz jetip otyr. Osy oraıda tótenshe jaǵdaı kezinde halyqtyń osal toptaryn qoldaý memlekettiń basty mindeti degen Prezıdent Qasym-Jomart Toqaevtyń málimdemesi el-jurttyń senimin kúsheıtti.
Bul baǵytta Aqtóbe oblysynda kómekke muqtaj halyqtyń osal toptaryn áleýmettik turǵydan qoldaý jóninde keshendi is-sharalar jospary jasalyp, oıdaǵydaı iske asyp keledi. Osy oraıda óńir turǵyndarynyń 15 sanaty boıynsha 100 myńǵa jýyq adamǵa 1 mlrd 500 mln teńgeden astam áleýmettik kómek kórsetildi.
Bul – atap aıtýǵa turarlyq soma. Memlekettiń basty baılyǵy adamdar desek, tótenshe jaǵdaı tusynda olardyń muqtaj toptaryna jergilikti atqarýshy bılik tarapynan jan-jaqty qoldaý kórsetilýi – eldiktiń belgisi. Jýyrda óńirde ataýly áleýmettik kómek alatyn otbasylardyń jaı-kúıi taǵy bir sarapqa salynyp, olardyń eń muqtajdaryna qarjylaı qoldaý sharalary qolǵa alyndy.
Sonymen birge oblys ákimi Ońdasyn Orazalın oblystyq bıýdjetten óńir turǵyndarynyń 8 sanaty boıynsha 45 myńǵa jýyq adamǵa 900 mln teńgege jýyq qarajat bólingenin jetkizdi. Bir jolǵy kómek – bir adamǵa shaqqanda jıyrma myń teńgeden keledi. Qazirgi karantın kezinde barlyq qyzmet kórsetý mekemeleri, sonyń ishinde áleýmettik tólemder tóleý ortalyǵynyń esigi jabýly turǵany belgili. Mundaı jaǵdaıda turǵyndar ózderine taǵaıyndalǵan birjolǵy áleýmettik kómekti alý úshin ábigerge túsip júrmeı me?
– Joq, olaı bolmaıdy. Jergilikti jerden belgilengen materıaldyq kómekti alý úshin qosymsha qujat tapsyrýdyń nemese jınaq bankiler kassalaryna barýdyń qajeti joq. О́ıtkeni áleýmettik kómek alýshylardyń derekteri men tizimi aqparattyq júıe arqyly jasaqtalǵan. Atalǵan qarajat tıisti adamdardyń esepshottaryna aýdarylady, – dedi saýaby mol istiń mán-jaıyna qatysty Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Bulbul Eleýsinova.
Sondaı-aq óńirde memleket tarapynan taǵaıyndalǵan 42 500 teńge mólsherindegi áleýmettik tólem men Nur Otan partııasy belgilegen 50 myń teńge kólemindegi birjaqty kómek tólemderin aýdarý máselelerine qatysty aýqymdy jumys júrgizildi. Atalǵan máselede ádildik pen ashyqtyq qaǵıdattary alǵa shyǵyp, ony alýǵa tirkelgen ıakı tirkelmeı qalǵan azamattar arasynda orynsyz ókpe-renish pen túsinbestik týyndamaý úshin barlyq qajetti jaǵdaılar jasaldy.
El Prezıdenti Qasym-Jomart Toqaev «Biz birgemiz!» aksııasyn jarııalap, barsha qazaqstandyq qoǵam múshelerin osynaý kúrdeli kezeńde bir-birine qoldaý kórsetip, kómegin tıgizýge shaqyrǵany belgili. Igi bastamany Aqtóbe aımaǵynyń turǵyndary, óńir kásipkerleri men mesenattar, ózge de el-jurtqa janashyr tulǵalar qyzý qoldady. Ásirese olar áleýmettik osal toptaǵy turǵyndarǵa qaıyrymdylyq kómek kórsetýdi basty paryzy dep sanaı bilgenderi rızashylyq sezimin týǵyzady.
GOVID-19 indetimen kúreste óńir dárigerleri men ózge de medısına qyzmetkerleri jaýapty da qaýip-qateri mol istiń bel ortasynda keledi. Olar koronavırýs ınfeksııasyn ózderi de juqtyryp alýy múmkin ekenine qaramastan, adamdarǵa arasha túsýdiń janqııarlyq úlgisin kórsetýde. Mine, osyndaı aq halatty abzal jandarǵa óńirdegi dáýletti azamattar men áleýeti mol kásiporyn jetekshileri tarapynan zattaı jáne qarjylaı túrinde kómek kórsetilip keledi. Shapaǵaty mol istiń basynda «AKTEP» JShS men «QazHrom» AQ-nyń nar tulǵaly basshylary Nurlan Saǵynalın men Arman Esenjolovtar bar.
О́ńirde atqarýshy organdar tarapynan turmysy tómen kóp balaly otbasylarǵa jáne múgedek jandar men zeınetkerlerge azyq-túlik paketi men gıgıenalyq quraldar jáne medısınalyq betperdeler men aqshalaı kómekter kórsetilýde.
AQTО́BE