Sarapshylar Almatyda pandemııadan keıingi jyljymaıtyn múlik naryǵyndaǵy boljamdy ózgeristi talqylaı otyryp, mamyr aıynda aıtarlyqtaı ózgerister bolady degen toqtamǵa keldi.
Tótenshe jaǵdaı rejiminiń engizilýimen Almatydaǵy kóptegen páter ıeleri páterlerdiń qunyn qaıta qarastyrýǵa májbúr bolyp otyr. Qalanyń keıbir aýdandarynda sharshy metr eki esege deıin arzandady. Biraq muny rıeltorlar ýaqytsha qubylys dep baǵamdap otyr. inalmaty.kz málimetterine súıensek, jyljymaıtyn múlik jónindegi agenttikter tobynyń bas dırektory Aınur Qudaıbergenovanyń aıtýynsha, menshik ıeleri klıentten aırylyp qalmas baǵany tómendetýge daıyn. Mamannyń aıtýynsha, qazir suranysqa qaraǵanda usynystar kóp. Bul eń aldymen qala jáne eldi mekenderdiń karantın rejimine kóshýine baılanysty. О́ńirden kelip, jumys istegen adamdar úılerine qaıtty. Sáıkesinshe, kóp páterler bosap, jalǵa alý baǵasy tómendegen.
Karantın kezinde jumyssyz qalǵan keıbir jalǵa alýshylar jalǵa berýshilerdi jeńildikter jasaýǵa jáne jalǵa alý qunyn aıtarlyqtaı tómendetýge sendirýge tyrysýda.
ALMATY