Áıgili France Football basylymy 1992-2020 jyldar aralyǵynda ótken ÝEFA Chempıondar lıgasynda soǵylǵan eń úzdik goldardyń tizimin jarııa etti.
Aıtýly basylym sarapshylarynyń pikirinshe, «Realdyń» oıynshysy Zınedın Zıdannyń Leverkýzenniń «Baıer» klýbynyń qaqpasyna soqqan goly úzdik dep tanyldy. Bul kezdesý 2002 jyldyń 15 mamyrynda Shotlandııanyń Glazgo qalasyndaǵy «Hempden Park» stadıonynda ótken edi. Fınaldyq saıystyń birinshi taımnyń sońynda tarazy basy teń turdy. 45 mınýtta Zıdan nemisterdiń qaqpasyna ekinshi goldy soqty. Nátıjesinde madrıdtikter bul matchta 2:1 esebimen jeńiske jetti.
Al «TOP-10» ádemi goldardyń tolyq tizimi mynadaı:
Zınedın Zıdan, «Real» (2002 jyly «Baıerdiń» qaqpasyna); 2. Maýro Bressan, «Fıorentına» (1999 jyly «Barselonanyń» qaqpasyna); 3. Krıshtıaný Ronaldý, «Real» (2018 jyly «Iýventýstyń» qaqpasyna); 4. Deıan Stankovıch, «Inter» (2011 jyly «Shalkeniń» qaqpasyna); 5. Fılıpp Mekses, «Mılan» (2012 jyly «Anderlehtiń» qaqpasyna); 6. Garet Beıl, «Real» (2018 jyly «Lıverpýldiń» qaqpasyna); 7. Maıkl Essen, «Chelsı» (2009 jyly «Barselonanyń» qaqpasyna); 8. Marıo Mandjýkıch, «Iýventýs» (2017 jyly «Realdyń» qaqpasyna); 9. Ronaldıno, «Barselona» (2005 jyly «Chelsıdiń» qaqpasyna); 10. Aaron Remzı, «Arsenal» (2014 jyly «Galatasaraıdyń» qaqpasyna).