Búgingi kúnge Jambyl oblysynda koronavırýs ınfeksııasyn juqtyrýdyń 152 deregi tirkelip otyr. Onyń ishinde 48 adam jazylyp shyqqan. Biraq, ókinishke qaraı 3 mamyr kúni túnde Jambyl oblysynan bir adamnyń koronavırýstan qaıtys bolǵany anyqtaldy.
Resmı aqparat boıynsha, marqum 1959 jyly týǵan er adam bolyp shyqty. Pavlodar oblysynyń turǵyny. Marqumnyń koronavırýspen qosa sozylmaly aýrýy da bolǵan eken. Jambyl oblysynyń shekarasyn kesip ótken kezde onyń dene qyzýynyń kóterilgeni baıqalyp, artynan stasıonarǵa jatqyzylǵan. Keıinirek alynǵan qan taldaýlarynyń nátıjesinde onyń koronavırýs indetin juqtyrǵany belgili bolyp, emdeý jumystary bastalady. Alaıda, ókinishke qaraı, naýqas keshe túnde kóz jumady.
Jambyl oblysy