Elimizde áskerı boryshyn óteýge shaqyrylatyn sarbazdar koronovırýske test tapsyrady. Bul jóninde Qarýly Kúshter Bas shtabynyń Uıymdastyrý jáne jumyldyrý jumysy bóliminiń bastyǵy Sáken Júsipov aıtty.
– Qorǵanys mınıstriniń tapsyrmasy boıynsha, Qarýly Kúshter merzimdi áskerı qyzmetten bosatylatyn áskerı qyzmetshilerdiń qaýipsizdigin qamtamasyz etý boıynsha birqatar praktıkalyq sharalardy josparlap, júzege asyrady. Jergilikti atqarýshy organdar merzimdi áskerı qyzmetke shaqyrylýǵa jatatyn azamattardy PTR testileýinen ótkizýi kerek, sonymen qatar áskerge shaqyrylýshylardy habarlaý jáne jınaý, jınalý oryndarynda, medısınalyq tekserýden ótkizip, áskerge jiberý kezinde barlyq sanıtarlyq-epıdemıologııalyq normalardyń saqtalýyn qamtamasyz etýi kerek, – dedi Sáken Júsipov.