Qazaqstandaǵy eń iri shetel ınvestorlarynyń biri COVID-19 epıdemııasymen kúreste shette qalmaı, óz úlesin qsyp otyr.
Kompanııanyń málimdeýinshe, jahandyq The Coca-Cola Foundation qory bólgen qarajattyń kóp bóligi Qazaqstan Respýblıkasynyń Densaýlyq mınıstrligine qoldaý kórsetýge baǵyttalady.
«Áleýmettik jaýapty bıznes retinde biz qoǵamǵa qoldaý kórsetý isinde shette qala almaımyz. Jahandyq The Coca-Cola Foundation qory koronovırýspen kúreske arnaıy granttar bólgen edi. QR Densaýlyq mınıstrligimen birlese biz sol qarajatty qandaı qajettilikterge baǵyttaý kerektigin anyqtadyq. Bul proseste bizge halyqaralyq «Qyzyl krest» jáne «Qyzyl jarty aı» qozǵalysy kómektesetin bolady. Birlesken talqylaýlar barysynda granttardy jeke qorǵanys quraldary men koronovırýsty anyqtaıtyn testterdi satyp alýǵa jáne qıyn jaǵdaıǵa dýshar bolǵan jandarǵa kómek kórsetýge jumsaý týraly sheshim qabyldandy», – dedi Coca-Cola Icecek Kazakhstan kompanııasynyń korporatıvtik jáne retteý qatynastary jónindegi dırektor Álıma Isembaeva.
Sonymen qatar, Coca-Cola medısınalyq mekemeler men Qazaqstandaǵy pandemııamen kúreske jumyldyrylǵan basqa da qyzmetterge belsendi túrdi qoldaý kórsetýin jalǵastyrýda. Búgingi tańda kompanııa qaıyrymdylyq shara túrinde 5 myń lıtrden astam ónimin taratyp úlgerdi, 1000 astam otbasyǵa gýmanıtarlyq kómek kórsetildi. Kompanııa óz bıznesin jalǵastyrýǵa, jumys oryndaryn saqtap qalýǵa jáne seriktesterin, jabdyqtaýshylardy, dıstrıbıýtorlar men saýda núktelerdi qoldaý úshin de bar kúsh-jigerin sala bastady.
Úkimet ornatqan qatań shekteýler men basqa da naryqtyq qıyndyqtarǵa qaramastan, CCI-dyń bir de bir óndiris oshaǵy jabylǵan joq, olardyń barlyǵy óz jumysyn jalǵastyrýda. Qazaqstandaǵy eki zaýyt, biri Nur-Sultanda, al ekinshisi Almaty oblysynda, barlyq qaýipsizdik jáne gıgıena standarttaryn qatań saqtaı otyryp óz ónimderin óndirýde. Ár qyzmetker jeke qorǵanys quraldarymen jabdyqtalǵan, óndiris jaılary ár saǵat saıyn dezınfeksııalanady, qyzmetkerlerdi tasymaldaý uıymdastyrylǵan, al aýysymdar sany qysqartylǵan. Degenmen, qatań karantın keıbir ózgerister engizýge májbúr etti.
Barshamyz kýá bolyp otyrǵandaı, qoǵam úshin osy bir qıyn qystaý kezeńde iri kompanııalar óz úlesin qosýda, al «biz birgemiz» sózi maǵynasy jaǵynan keń aýqymda qoldanys tapty.