Prezıdent Qasym-Jomart Toqaev bul týraly «Egemen Qazaqstan» gazetine bergen «Elimiz bul qıyndyqtan shyńdalyp shyǵady» atty suhbatynda aıtty.
«Jalpy, sońǵy jyldarda qashyqtan oqytý tásili jahandyq úrdis retinde qalyptasty. Álemniń kóptegen joǵary oqý oryndary bul ádisti keńinen qoldanyp keledi. Munyń artyqshylyǵy da, kemshin tustary da bar. Ásirese, qazirgideı karantın jaǵdaıynda buǵan balama joq. Sondyqtan aldaǵy ýaqytta ony jetildire túsken jón», - dedi Prezıdent.