Almatyda koronavırýstyq ınfeksııa paıda bolǵaly beri ony juqtyrǵandar sany 1353 adamǵa jetti
Búgingi kúni Covid-19-dan ınfeksııalyq stasıonarlarda 1135 pasıent emdelip jatyr. Bir naýqastyń jaǵdaıy – óte aýyr, 34-inde – aýyr, 289-ynda – ortasha aýyr jáne qalǵandarynyń densaýlyǵy durystaryp keledi.
Medısınalyq baqylaýda 12 665 almatylyq bar bolsa, onyń ishinde 312-i provızorlyq stasıonarda, 345-i karantındik gospıtaldarda,12 008-i úı karantıninde otyr.
Degenmen, aýrýhanaǵa jatqyzylǵandar ishinen aýyr haldegi naýqastar sany sońǵy ýaqytta kóbeıgen joq.
Tájirıbe kórsetip otyrǵandaı, koronavırýsty juqtyrǵanda qosymsha aýrýlar bolǵan jaǵdaıda emdeý úderisi qıyndaýda. Sondyqtan, sozylmaly, ásirese tynys alý júıesi, júrek-qan tamyrlary aýrýlary bar barlyq adamdardy testileýge barynsha basymdyq beriledi.
Sondaı-aq, COVID-19 qaýiptiligi joǵary táýekel tobyna JRVI, pnevmonııa belgileri bar adamdar, medısına qyzmetkerleri, qala aýmaǵyndaǵy ár túrli áskerı bólimderden áskerı qyzmetshiler, karantınge qoıylatyn talaptardyń saqtalýyn baqylaý maqsatynda patrýldeýshi quram, IIM júıesiniń qyzmetkerleri, tosqaýyl-beketterine jumysqa tartylǵan adamdar engizilgen.
Qala boıynsha atalǵan kontıngent Almaty qalasy Bas sanıtarlyq dárigeriniń kestesine sáıkes koronavırýstyq ınfeksııaǵa mindetti túrde tekserilip otyr.
Jasyryn oshaqtardy belsendi anyqtaý boıynsha atalǵan sharalar Almatyda aýrýdyń erte satysynda juqtyrǵandardyń edáýir sanyn anyqtaýǵa múmkindik berdi.
Megapolıste COVID-19 der kezinde anyqtalýynyń dáleli naýqastardyń 77 paıyzynyń densaýlyǵy birqalypty jáne olardyń aýrýy jeńil túrde sımptomsyz ótýde.
Bul emdeýdi jeńildetedi, óıtkeni biz jaǵdaıdy synı jaǵdaıǵa deıin jetkizbeımiz, qala boıynsha bul ınfeksııadan ólim-jitim tómen deńgeıde – 0,6% qalyp otyr.
Almatyda osy kúnge deıin koronavırýstyq ınfeksııadan 210 adam ońaldy.
Keshe jáne búgin stasıonarlardan 51 adam emdelip shyqty. Onyń ishinde 28 adam vırýsy bar naýqaspen baılanysta bolǵandar jáne 23 medısına qyzmetkeri.
Prezıdenttiń tapsyrmasy boıynsha medısına qyzmetkerleriniń qaýipsizdigin qamtamasyz etý sharalary kúsheıtildi.
Búgingi kúni Almaty qalasynda 1940 tósek-orynǵa arnalǵan 9 juqpaly stasıonar jumys isteıdi, provızorlyq emdeýge jatqyzý úshin 909 tósek-orynǵa arnalǵan 12 stasıonar, karantındik emdeýge jatqyzý úshin 1392 tósek-orynǵa arnalǵan 9 stasıonar qarastyrylǵan.
Barlyq qalalyq juqpaly aýrýlar jáne provızorlyq aýrýhanalarda úı-jaılardy «taza» jáne juqtyrylǵan aımaqtarǵa bólý qaǵıdaty saqtalady. Sondaı-aq, barlyq medısınalyq mekemelerde jeldetý jáne beınebaqylaý júıesi jumys isteıdi. Jaýapty qyzmetkerler medısına qyzmetkerleriniń jeke qorǵaný quraldaryn durys kııý hattamasyn saqtaýyn qadaǵalaıdy.
Sondaı-aq, barlyq em alýǵa muqtaj naýqastar QR DSM-nyń emdeý hattamasyna sáıkes tolyq kólemde emdeletindigin atap ótken jón.
ALMATY