Almaty qalalyq qoǵamdyq densaýlyq saqtaý basqarmasynyń basshysy Tileýhan Ábildaev búgingi baspasóz brıfınginde COVID-19 ınfeksııasyn juqtyrǵan naýqastardyń 77%-da aýrý jeńil túrde ótkendigin habarlady.
«Almatyda ólim-jitim kórsetkishi 0,6% quraıdy. Aýrýhanaǵa jatqyzylǵandardyń arasynda aýyr haldegi naýqastar sany sońǵy ýaqytta kóbeıgen joq. Almatyda koronavırýstyq ınfeksııadan 210 adam saýyǵyp, emdelip shyqty. Olardyń ishinde 23 medısına qyzmetkeri bar», - dedi Almaty qalalyq qoǵamdyq densaýlyq saqtaý basqarmasynyń basshysy Tileýhan Ábildaev.
Prezıdenttiń tapsyrmasy boıynsha medısına qyzmetkerleriniń qaýipsizdigin qamtamasyz etý sharalary kúsheıtilip, juqpaly stasıonarlar sany 9 jetken. Ol jerlerde 1940 adamdy qabyldaýǵa arnalǵan tósek-oryn daıyn tur. Al provızorlyq emdeýge jatqyzý úshin 909 tósek-orynǵa arnalǵan 12 stasıonar, karantındik emdeýge jatqyzý úshin 1392 tósekti qamtyǵan taǵy 9 stasıonar daıyndalǵan.
«Medısınalyq baqylaýda 12 665 almatylyq bar. Onyń ishinde 312-i provızorlyq stasıonarda, 345-i karantındik gospıtaldarda, 2 008-i úı karantıninde. Megapolıste COVID-19 der kezinde anyqtalýynyń dáleli naýqastardyń 77 paıyzynyń densaýlyǵy qanattanarlyq jáne olardyń aýrýy jeńil sımptomsyz ótýde», - dedi Basqarma basshysy.
ALMATY