Qostanaı qalasynda indet juqtyrǵan taǵy bir naýqas tirkeldi. О́ńirlik jedel aqparat shtabynyń habarlaýynsha, Reseıde bilim alyp jatqan 17 Qazaqstan azamaty taıaýda elge oralǵan.
Bir avtobýsqa mingesip kelgendikten, stýdentter indetke qarsy shara talaptaryna sáıkes birden Tobyl qalasyndaǵy karantındik stasıonarǵa jabylyp, bárinen koronavırýs indetine taldaý alynǵan.
«Taldaý qorytyndysy boıynsha stýdentterdiń ishindegi 2001 jyly týǵan boıjetkennen COVID-19 vırýsy anyqtaldy. Naýqas Qostanaı oblystyq aýrýhanasynyń ınfeksııalyq bólimine aýystyryldy. Ol ózimen birge kelgen jolaýshylardan basqa eshkimmen jaqyn baılanysta bolmaǵan. Qalǵan stýdentter dárigerlerdiń baqylaýynda, - dep habarlady óńirlik jedel aqparat shtaby.
Aımaqta jalpy sany 54 adamnan COVID-19 vırýsy anyqtalyp, onyń jeteýi emdelip shyqty.
Qostanaı oblysy