О́zbekstan prezıdenti Shavkat Mırzıeev Syrdarııa oblysyndaǵy sý qoımasy bógetiniń buzylýynan sý basqan Qazaqstannyń Túrkistan oblysyndaǵy eldi mekenderde apat saldaryn joıýǵa qajetti kómek berýge daıyn ekenin bildirdi.
О́zbekstan prezıdenti baspasóz qyzmetiniń málimetine súıensek, 27 sáýirge qaraǵan túni apat kezinde Buhara men Syrdarııa oblystaryndaǵy 38 myńnan astam úıge, 847 áleýmettik nysan men egistikterge zalal kelgen.
«Biz tabıǵı apattyń zardabyn joıý úshin barlyq qajetti sharalardy qoldanýdamyz. Úkimettik komıssııa táýlik boıy jumys istep tur. Búginge deıin áleýmettik nysandardyń 70 paıyzy jáne úılerdiń 20 paıyzynyń shatyrlary jabylǵan. Sondaı-aq 5 000 shaqyrym elektr jelisi, 1100 transformator jóndelgen. О́kinishke qaraı, osy ýaqytqa deıin tabıǵı apat saldarynan 4 azamatymyz qaıtys boldy, 1 adam habar-osharsyz ketti. Qaza bolǵandardyń otbasy men jaqyndaryna qaıǵyryp kóńil aıtamyn», - dedi Shavkat Mırzıeev.
Onyń aıtýynsha, sý qoımasynda bolǵan apatqa baılanysty halyqaralyq sarapshylardy tarta otyryp, barlyq bógetterge tereń saraptama júrgiziletin bolady.
«О́kinishke qaraı, Sardobadaǵy apat saldarynan kórshiles Qazaqstan Respýblıkasy Túrkistan oblysynyń Maqtaaral aýdanyndaǵy eldi mekenderdi de sý basty. Biz Qazaqstan Prezıdenti Qasym-Jomart Toqaevpen telefon arqyly sóılesip, bul máseleni ózara túsinistikpen, ashyq ári keńinen talqyladyq. Keshe Túrkistan oblysynyń ákimi О́mirzaq Shókeev bastaǵan delegasııa oqıǵa ornyna baryp, jaǵdaıdy jan-jaqty zerttedi», - dedi О́zbekstan prezıdenti.
Onyń aıtýynsha, úkimet, tıisti mınıstrlikter men vedomstvolar, jergilikti bılik organdary, basqa da sheneýnikter men sarapshylar ózderiniń qazaqstandyq áriptesterimen birge tabıǵı apattardyń saldaryn joıý úshin tyǵyz jumys isteıtin bolady.
«Bul tehnogendik kútpegen apat tek bizdiń turǵyndarǵa ǵana emes, sonymen birge kórshi qazaq baýyrlarymyzǵa da úlken zııan keltirgeni óte uıatty boldy. Olardyń mekendeıtin jerine jáne egistik alqaptaryna zııan keltirilgenine de ókinemiz. «Biz qazaqstandyq baýyrlarymyzǵa tabıǵı apattyń saldaryn joıýǵa qajetti kómek berýge daıyn ekenimizdi bildirdik. Búkil halyqpen birge osy qıyndyqtardy da birlese eńseremiz degen senimdemin», - dedi О́zbekstan prezıdenti.