Maqtaaral aýdanyndaǵy sý tasqynynan zardap shekkenderge shymkenttikter de kómek kórsetýde. Sońǵy málimetter boıynsha, Shymkentten Maqtaaralǵa qosymsha 10 sý sorǵysh tehnıkasy jiberildi.
Aıta keterligi, búgin tańerteń saǵat 06:00-de Shymkent qalasynyń Tótenshe jaǵdaılar departamentiniń tarapynan Túrkistan oblysy Maqtaaral aýdanyna avarııalyq-qutqarý jumystaryn júrgizýge qosymsha arnaıy jáne qosalqy tehnıkalar men jeke quram jiberilgen bolatyn.
Kómekke jiberilgen tehnıkalardyń ishinde ASO 20, AS – 2, ÝAZ markaly 4 tehnıka, MP-100 markaly 6 motopompa bar.
Maqtaaral aýdanyndaǵy sý basý jaǵdaıyna baılanysty 2020 jylǵy 2-5 mamyr aralyǵynda Shymkent qalasynan sý basqan eldimekenderdegi avarııalyq-qutqarý jumystaryn júrgizýge 40 adam jeke quram, 8 tehnıka, 1 kvadrokopter jáne 4 dana júzý quraldary (1 motorly jáne 3 úrlemeli qaıyq) 2-shi eshelon esebimen joldandy. Osy aralyqta qutqarýshylar aýdandaǵy sý basqan eldimekenderde 70 adamdy, olardyń múlikterin qaýipsiz jerge evakýasııalaý jumystaryn júrgizip, iri jáne usaq maldardy qutqardy.
Sonymen qatar jergilikti atqarýshy organdary tarapynan 4 mamyr kúni Maqtaaral aýdanyna ınjenerlik jumystardy júrgizý úshin 30 arnaıy tehnıka jiberilgen.
Shymkent