Ekinshi dúnıejúzilik soǵystyń 75 jyldyǵy qarsańynda elordada «Jeńis daýysy» atty jańa mýzykalyq chellendj bastaldy. Nur-Sultan qalasy ákimdiginiń memlekettik akademııalyq fılarmonııasy solısteri áıgili «Den Pobedy» ánin oryndady. Bul týraly elorda ákimdiginiń baspasóz qyzmeti habarlady.
Chellendjdi alǵash bolyp eńbek sińirgen mádenıet qaıratkeri Estaı Muqashev bastady. Ánshi qazaqstandyqtardy Jeńis kúnimen quttyqtap, soǵys onyń da otbasyn aınalyp ótpegenin atap ótti. Maıdanda atasy men ákesiniń eki inisi qaza tapqanyn tilge tıek etti.
О́z kezeginde ol belgili ándi shyrqap, chellendjdi áriptesterine joldady. Estafetany Nur-Sultan memlekettik akademııalyq fılarmonııasynyń ánshisi, «Daryn» memlekettik jastar syılyǵynyń laýreaty Nurbol Balapanov jalǵastyryp, áriptesterin qoldaýǵa shaqyrdy.
Atalǵan mýzykalyq chellendjge nıet bildirýshilerdiń barlyǵy qatysa alady. Ol úshin óz jumysyńyzdy áleýmettik jelilerde #9maıa #9mamyr #golospobedy #jeńiskúni heshtegi arqyly jarııalaýyńyz qajet.
Aıta ketsek, ekinshi dúnıejúzilik soǵys jyldarynda 1 mıllıon 200 myń qazaqstandyq maıdanǵa attandy. Olardyń jartysy elge oralmady. Soǵysqa qatysqan 700 myńnan astam qazaqstandyq eńbek armııasy men arnaıy qurylys bólimderine shaqyryldy. Qazirgi ýaqytta elordada 44 soǵys ardageri turady.