Bul týraly búgin Almaty qalasy ákimdiginiń baspasóz ortalyǵynda ótken onlaın-brıfıngte Almaty qalasy halyqty jumyspen qamtý ortalyǵynyń dırektory Dılıara Imanqulova málimdedi.
Qalalyq basqarý qurylymdary karantın sharalardy aıaqtalǵannan keıin jumyssyz qalǵan adamdardy qoldaýdyń birqatar sharalaryn ázirlep otyr. Máselen, halyqty jumyspen qamtý ortalyǵy arqyly jumysqa ornalastyrýdan bólek, «Eńbek» baǵdarlamasy aıasynda túrli kásibı kýrstarǵa jiberýden basqa, sondaı-aq, bastapqy bıznesti iske asyrýdy josparlap otyrǵan adamdarǵa aqysyz jáne qaıtarymsyz negizde jańa bıznes-ıdeıalardy iske asyrý úshin memlekettik granttar berilmek.
«О́tken jyly mundaı granttardy bizde 2867 adam aldy. Bıylǵy jyly 1705 adamǵa 200 AEK kóleminde qarajat bólindi (555,6 myń tg 1 AEK esebinen – 2778 tg). Sonyń ishinde 706 almatylyqqa granttar osy aıda beriledi», – deıdi Dılıara Imanqulova.
Spıkerdiń aıtýynsha, «Eńbek» baǵdarlamasyna qatysýshylar memlekettik granttardy alýǵa úmitkerler bolyp tabylady. Biraq, bul tizimge tehnıkalyq jáne kásiptik, orta bilimnen keıingi bilim berý, joǵary jáne (nemese) joǵary oqý ornynan keıingi bilim berý uıymdarynda nemese «Bastaý Bıznes» jobasy boıynsha kásipkerlik negizderine oqytý kýrstarynan ótkender ǵana engiziledi. Sonymen qatar, «Eńbek» baǵdarlamasynyń birinshi baǵyty sheńberinde oqýdy aıaqtaǵan jáne buryn basqa memlekettik baǵdarlamalar sheńberinde granttar almaǵan tulǵalar, sondaı-aq qonys aýdarýshylar men oralmandar, ataýly áleýmettik kómek alýshylar qatarynan az qamtylǵan jáne/nemese kóp balaly otbasy músheleri qatysa alady. Jańa bıznes-ıdeıalardy iske asyrýǵa memlekettik granttar 200 eselengen aılyq eseptik kórsetkishke deıingi mólsherde beriledi. Az qamtylǵan jáne kóp balaly otbasy músheleriniń, eńbekke jaramdy múgedekter men jastardyń memlekettik granttardy alýǵa basymdyq beriledi.
«Kásipkerlik bastamalardy qoldaý úshin bizdiń baǵdarlamaǵa qatysýshylar 8 myń AEK kóleminde shaǵyn nesıe ala alady, – dep atap ótti spıker. – Bul 21 mln tg astam qarajat degen sóz. Bıyl osyndaı 140 jobaǵa qarajat bólindi. Alǵashqy úmitkerler búginge deıin 14 shaǵyn nesıeni alyp úlgerdi».