«Halyq» qaıyrymdylyq qory Arqalyq qalasynda turatyn turmysy tómen otbasylar men kóp balaly analarǵa Kúrish, un, makaron, jarma, ósimdik maıy, shaı, qant, qoıý sút, túrli tátti taǵamdar salynǵan azyq-túlik sebetterin taratty. Ár sebettiń salmaǵy shamamen 60 keli tartady.
«Elimizde jarııalanǵan tótenshe jaǵdaıǵa baılanysty Qazaqstan Prezıdenti jarııalaǵan «Eriktiler jyly» aıasynda halyqtyń az qamtylǵan toptaryna jan-jaqty kómekter kórsetilip jatyr. Búgin kórsetilip jatqan kómek - sonyń bir aıǵaǵy. Jalpy kólemi 1200 tonnaǵa teń azyq-túlik jıyntyqtary elimizdiń barlyq aımaǵynda taratylatyn bolady. Osylaısha, el kásipkerleri qıyn sátte kómekke muqtaj jandarǵa qol ushyn sozyp, áleýmettik jaýapkershiligin tanytyp otyr. Bul óser eldiń belgisi. Azamattarǵa qala turǵyndarynyń atynan alǵysymyzdy bildiremiz», - dedi qala ákiminiń orynbasary Túbekbaı Áýbákirov.
Kóp balaly analar da demeýshilerge shynaıy alǵys arnady. Áleýmettik sebetterdi ár otbasyna eriktiler jetkizip beredi.́
Qostanaı oblysy