«Biz birgemiz» aksııasy aıasynda muqtaj jandarǵa qaıyrym jasaý isi Almaty oblysynda tolastaǵan joq. Kezekti ıgi shara Kerbulaq aýdanynda jalǵasyp, kómek qajet etetin 200 otbasyǵa azyq-túlik paketteri taratyldy.
Qaıyrym aksııasynyń ótýine Nur Otan partııasy Almaty oblysy, Kerbulaq aýdandyq fılıaly men aýdan ákimdigi uıytqy boldy. Al Saryózek aýylynyń qaltaly azamatary jalpy sany 702 adamdy eń qajetti azyq-túlikpen qamtamasyz etti.
- Qaıyrym jasaý kezinde 5 tonna un, 2 tonna et, 1000 lıtr suıyq maı, 600 kg kúrish jáne 400 kg makaron ónimderi tegin taratyldy. Bul iske aýdan ortalyǵyndaǵy 25 kásipker bir kisideı jumyldy. Olar jalpy quny 6 mln teńgege jumsady. Al kómekke muqtaj otbasylar men qart turǵyndarǵa azyq-túlik jetkizý berýdi «Jas Otan» jastar qanatynyń volonterleri moıyndaryna aldy. Mundaı ıgi is aýdanymyzda jalǵasyn taba bermek, - deıdi Kerbulaq aýdanynyń ákimi Mahabbat Bıgeldıev.