ISO 37001-2016 halyqaralyq standartynyń talaptaryna sáıkes sybaılas jemqorlyqqa qarsy áreket etý menedjmenti júıesin (budan ári - SMJ) engizý boıynsha Abaı atyndaǵy QazUÝ-da tıisti jumystar júrgizilýde.
SMJ qujattarynyń sany men quramy, olardyń qoldanystaǵy júıege birigýi anyqtalyp, «Sybaılas jemqorlyqqa qarsy is-qımyl saıasaty» ázirlenip bekitildi.
Qazaqstan Respýblıkasy zańnamasynyń talaptaryn eskere otyryp, ISO 37001 talaptaryn qoldanysqa engizý úshin qujattar ázirlendi: múddeler qaqtyǵysyn sheshý saıasaty; sybaılas jemqorlyq táýekelderin baǵalaý; syılyqtar men ókildik shyǵystar.
Ázirlengen qujattar men talaptar negizinde kelesi qujattar redaksııalandy jáne qaıta engizildi: sybaılas jemqorlyqqa qarsy is-qımyl standarty; múddeler qaqtyǵysy jáne sybaılas jemqorlyqqa qarsy is-qımyl saıasatyn saqtaý týraly deklarasııasy; syılyqty alǵany týraly habarlamasy; ýnıversıtet qyzmetkeriniń eńbek shartyna qosymsha kelisimi; ýnıversıtet qyzmetkeriniń laýazymdyq nusqaýlyǵy; bilim berý qyzmetterin kórsetý shartyna Sybaılas jemqorlyqqa qarsy Eskertpesi; syrtqy uıymdarmen jáne isker áriptestermen ózara qarym-qatynastardyń sybaılas jemqorlyqqa qarsy eskertpesi redaksııalandy jáne jańadan engizildi.
Ázirlengen ádistemege sáıkes ýnıversıtettiń 44 bólimshelerinde sybaılas jemqorlyq táýekelderin baǵalaý boıynsha tıisti jumystar júrgizildi. Táýekelder mańyzdylyǵy boıynsha sıfrlanǵan jáne taldaýǵa alynǵan, olar boıynsha saraptama berilgen. Ýnıversıtettiń mańyzdy sybaılas jemqorlyq táýekelderin baǵalaý, barynsha azaıtý jáne sapaly basqarý máseleleri boıynsha qajetti is-sharalar júrgizilip, jaýapty tulǵalar anyqtaldy.
Atalmysh qujattar negizinde ýnıversıtettiń barlyq qyzmetkerleri «Múddeler qaqtyǵysy jáne sybaılas jemqorlyqqa qarsy saıasatty saqtaý týraly Deklarasııaǵa», «Eńbek shartyna Qosymsha kelisimge» jáne «Laýazymdyq nusqaýlyqtarǵa» (jańa redaksııada daıyndalǵan) (al barlyq bilim alýshylar bilim berý qyzmetin kórsetý shartyna sybaılas jemqorlyqqa qarsy eskertpege) qol qoıdy. Osy qol qoıylǵan qujattarda sybaılas jemqorlyq táýekelderin aldyn alý maqsatynda barlyq qyzmetkerlerdiń jáne jumys berýshiniń jaýapkershiligi, mindetteri men quqyqtary aıqyndaldy.
Osy qujattardyń, rásimderdiń bekitilýlerine baılanysty Abaı atyndaǵy Qazaq ulttyq pedagogıkalyq ýnıversıtetine ýákiletti organymen sertıfıkattar berilýge tıis bolǵan. Qazirgi ýaqytta tótenshe jaǵdaıdyń (karantınniń) jarııalanýyna baılanysty halyqaralyq sertıfıkattaýdyń josparlanǵan rásimi keıinge qaldyryldy.