Aýa raıynyń qubylýyna baılanysty el óńirlerinde eskertý jarııalandy. Bul týraly «Qazgıdromet» RMK baspasóz qyzmeti habarlady.
Sınoptıkterdiń habarlaýynsha, 9 mamyrda Qyzylorda oblysynyń basym bóliginde jańbyr jaýady. Keı jerlerde naızaǵaı, daýyl, burshaq túsýi yqtımal. Ońtústik-batystan jel soǵady, kúshi keı jerlerde 15-20, kúndiz ekpini 23 m/s jetedi.
Qaraǵandy oblysynyń keı jerlerinde kún kúrkireıdi. Jel shyǵystan soǵady, keı jerlerinde ekpini 15-20 m/s.
Qaraǵandy qalasynda 9 mamyrda jel shyǵystan soǵady, jeldiń jyldamdyǵy 15-20 m/s jetýi yqtımal.
9 mamyrda Jezqazǵanda jel shyǵystan soǵady, ekpini 15-20 m/s bolady.
Al 9 mamyrda Batys Qazaqstan oblysynyń keı jerlerinde naızaǵaı oınap, burshaq jaýady, kúndiz kún kúrkiregen kezde ońtústik-shyǵystan soltústik-batysqa aýysyp soǵatyn jeldiń kúshi 15-20 m/s deıin kúsheıedi.
Oralda 9 mamyrda keshke naızaǵaı jarqyldaýy yqtımal.