Qoǵamdyq densaýlyq saqtaý ulttyq ortalyǵy dırektory Damır Kóbjasarov elimizde indetke shaldyǵý ósiminiń qarqyny turaqty túrde tómendep kele jatqanyn aıtty.
«Búginde adamdar indetten saýyǵyp, úılerine oralyp jatyr. Iаǵnı, ómir jalǵasýda, bizdiń densaýlyq saqtaý júıemiz, dárigerlerimiz ózderine júktelgen mindetti oryndap keledi. Densaýlyq jaǵdaıy nashar adamdar saýyǵyp, aıaǵyna turyp jatyr», - dedi Damır Kóbjasarov.
Onyń aıtýynsha, indetke shaldyqqandardy emdeýdiń ortasha kezeńi 16-17 kún. COVID-19 pasıentteriniń sany ilespe aýrýlardyń bolýyna qaraı artýy múmkin. Búginde indetke shaldyǵý ósiminiń qarqyny turaqty túrde tómendep keledi.
«Búginde 1500-den astam adam emdelip shyqty. 3000-ǵa jýyǵy hattamaǵa sáıkes em-dom qabyldap jatyr. Bizdiń ortalyqtyń boljamyna sáıkes, jaqyn arada aýyrǵandarǵa qaraǵanda emdelgender sany arta túsedi. Bul óz kezeginde emdeýdiń ońtaıly qarqyny júrip jatqanyn, sondaı-aq ınfeksııanyń taralýy tómendep jatqanyn baıqatady», - dedi ol.