Qashyqtan oqytý rejimi mektep muǵalimderiniń bilim berý isine jańalyq ákelmegenimen de, zamanaýı sıfrly keńistikte ozyq izdenisterge barýǵa, tyń málimetter jınaýǵa yqpal etti.
Alaıda bul kezeń dástúrli bilim júıesiniń balalardy bilimge baýlyp qana qoımaıtyn, qasterli bilim shańyraǵynyń izgilik pen tálim-tárbıeniń bastaýy ekenine meńzegendeı. Árbir ustaz tulǵa tárbıesinde óziniń biliktiligin, jaýapkershiligin sezine otyryp, oqytý pániniń joǵary deńgeıde ótýine, balalardyń ony tereń túsinip oqýyna tyrysady. Tómende usynyp otyrǵan maqalada Alataý aýdanyndaǵy №178 lıseı KMM-niń orys tili pániniń muǵalimi Maıra Kaırbaeva bilim ári tárbıe berýdiń erekshelikterimen negizge alady.
Qazirgi tańda elimizdiń bilim berý salasynda jańa tehnologııalar men ıdeıalardyń júıeli ári qarqyndy damý ústinde. Kúndelikti qarqyndy damyp jatqan aqparattar legi bolashaqtan úmiti bar árbir adam alǵa umtylýyn, bilimin úzdiksiz jetildirip, ómir boıy bilim alýdy talap etedi. Endeshe qazirgi tańdaǵy bilim berý saıasatynyń eń birinshi mindeti joǵary sapaly bilim berý bolyp otyrǵany – zaman talaby.
Jeke tulǵany damytyp, dúnıetanymyn qalyptastyrý, oqýǵa degen qyzyǵýshylyǵyn oıatyp yntasyn arttyrý osy mindetterdi júzege asyratyn basty tulǵa - ustaz. Búgingi ustaz oqýshylarǵa tek bilim berip qana qoımaı, árbir oqýshy boıynda ulttyq minez-qulyq, adamgershilik, sypaıylyq pen kishipeıildilik qasıetterin qalyptastyrýǵa, balanyń jan dúnıesin rýhanı qazynalarmen baıytýǵa tıis. Sondaı aq,aldyńǵy qatarly tájirıbeni jetildire otyryp, oqý úrdisine oqytýdyń jańa tehnologııalaryn engizip, oqýshylardyń jalpy damýyn qamtamasyz etýi kerek.
Oqýshylardyń qyzyǵýshylyǵyn arttyrý maqsatynda sabaq barysynda tıimdi ádis-tásilderdi engizip, ony uıymdastyrý formasyn túrlendirip otyrý – muǵalimniń basty mindeti ekeni belgili. Mundaı jaǵdaıda muǵalimniń sheberligi, uıymdastyrýshylyq qabileti úlken ról atqarady. Olaı bolsa, jaýapkershiligi sheksiz, qadiri mol mamandyq ıesiniń urpaqqa bilim men tárbıe berýdegi alar ornyn ár muǵalim bar bolmysymen sezingeni abzal.
Qoryta aıtqanda, uly memleketimizdiń kemel bolashaǵy úshin urpaǵymyzdy bilimdi, sanaly ári júreginde ımany bar etip tárbıeleýimiz qajet. Oqýshyny mektep qabyrǵasynda alǵan bilimin ómirde qoldana bilýge daǵdylandyrýymyz kerek. Osy mindet ustazdarǵa úlken jaýapkershilik júkteıdi. Jańa zamanda ómirdiń barlyq salalarynda tabysty bolýlary úshin, oqýshylardyń boıyna qajetti daǵdylardy darytý jolynda muǵalimder tynymsyz eńbektenýi kerek. Osy maqsat aıasynda tek óz pánin, óz mamandyǵyn sheksiz súıetin, bala úshin ustaz ǵumyryn qudiretti dep sanaıtyn bilimdi muǵalimder ǵana jumys isteı alady.
ALMATY