Jasandy ıntellekt adamzatqa revolıýsııalyq ózgerister ákeletin ınnovasııalyq salalardyń biri bolyp sanalady. Búgingi kúni jasandy ıntellekt kúndelikti tirshilik salasyna dendep ene bastady. Ásirese jasandy ıntellekttiń bilim berý naryǵyndaǵy róli erekshe baıqalady.
Dýblınde SoapBox Labs kompanııasy ázirlegen tehnologııa balalarda saýatty bolýǵa jáne oqý daǵdylaryn jaqsartýǵa kómektesedi. Baǵdarlama ázirleýshileriniń aıtýynsha, bul júıe balalar daýysy men sóıleý mánerin dál tanýǵa múmkindik beredi. Bul baldyrǵandardyń oıyn oınaý tájirıbesin arttyryp, daýys arqyly oqýyna múmkindik beredi.
Kompanııanyń negizin qalaýshy Patrısııa Skenlonnyń aıtýynsha, bul tehnologııa balalarǵa arnaıy jasalǵan. Onda balalardyń daýysy modeldeý arqyly ózin-ózi tanýǵa kómektesedi. Osynyń bári jasandy ıntellekt salasyndaǵy sońǵy jetistikter.
Kompanııa saladaǵy Micrioosoft sııaqty alpaýyt kompanııalarmen áriptestikte jumys isteıdi. Bul tehnologııaǵa sondaı-aq Mark Sýkerberg qoldaý kórsetip otyrǵan Reach Every Reader sarapshylary da nazar aýdaryp otyr. Qazirgi kezde álem boıynsha 27 kommersııalyq lısenzııasy bar kompanııa birneshe tilder boıynsha qyzmet kórsetý aıasyn keńeıtken. Kompanııa bilim, balalardy oqytý, tildi meńgerý sııaqty alańdarda belsendi.