Uly Jeńistiń 75 jyldyq mereıtoıyna oraı «Qazaqfılm» kınostýdııasy Mádenıet jáne sport mınıstrliginiń qoldaýymen túsirilgen, rejısser Alekseı Kamenskııdiń «Núrken Ábdirov. Uldarymnyń kenjesi» derekti fılminiń premerasy ótti.
Fılm mıllıondaǵan keńestik adamdar qatysqan epıkalyq shaıqastar aıasyndaǵy adamnyń taǵdyry týraly áńgimeleıdi. Kartınanyń túsirilimi Nur-sultan, Almaty qalalary jáne Núrken Ábdirovtiń týǵan jeri Qaraǵandy oblysynda ótti. Ásirese, Qaraǵandydaǵy oblystyq memlekettik muraǵat qorynda saqtalǵan materıaldardy zerdeleýge basa nazar aýdaryldy.
– Uly Otan soǵysy jyldary – halqymyzdyń jeńisi men qaıǵyly kezeńi. О́lim, qaıǵy, qasiret pen úmitsiz qarańǵylyq maıdan dalasyn sharlap, aspandy jaýyp turdy. Biraq ózderińiz biletindeı, qarańǵyda juldyzdar erekshe jarqyraıdy. Qazaq jeri osyndaı kóptegen juldyzdy, Keńes Odaǵynyń bolashaq batyrlaryn dúnıege ákeldi. Sonyń biregeıi – Núrken Ábdirov. Batyrdyń ónegeli ómiri keleshek urpaqqa taǵylym bolýy tıis, – dedi fılm rejısseri Alekseı Kamenskıı.