Shymkenttik kásipkerler tasqynnan zardap shekken Túrkistan oblysynyń Maqtaaral aýdanynda bolyp, turǵyndarmen júzdesti.
Sapar merekemen tuspa-tus kelgendikten qalalyq Kásipkerler palatasynyń О́ńirlik keńes tóraǵasy Qaırat Moldaseıtov pen Shymkent qalasynyń Kásipkerler palatasynyń dırektory Nurlan Qabıshtaev bastaǵan delegasııa О́rgebas aýylynyń aqsaqaldaryn Uly Jeńistiń 75 jyldyǵymen quttyqtady.
Kásipkerler turǵyndarǵa qarjylaı jáne gýmanıtarlyq kómek kórsetti.«Otaý Grýpp» JShS prezıdenti Qaırat Moldaseıtov О́rgebas aýylynyń turǵyndaryn qoldaýǵa 12 mıllıon teńge bóldi.
«Bal Tekstıl» JShS-niń dırektory Talǵat Ishaqov 6 mıllıon teńgege 400 dana kilemin jetkizse, «AGF Group» toqyma fabrıkasynyń basshysy Gaýhar Nasyrova 40 komplekt tósek-oryn syılady.«VIZiT» zaýytynyń dırektory Vılkım Zlavdınov 500 myń teńgege sýsyndar jiberdi.
Isker áıelder keńesiniń tóraǵasy Alma Arhabaeva bastaǵan isker áıelder azyq-túlik, kıim-keshek, gıgıena quraldary men qajetti zattar, sonyń ishinde balalarǵa arnalǵan gýmanıtarlyq kómek jóneltti. Al «Karlskron» JShS dırektory Ýálıhan Ahmetov pen «Mega Smarttan» Sergeı Hegaı júkterdi tasymaldaý úshin júk kólikterimen qamtamasyz etti.
Hadısha Aljanova tóraǵalyq etetin «Damý» farmasevtıkalyq uıymdar qaýymdastyǵy, Rýstam Sýhov basqaratyn «Evrokrıstall» áınek zaýyty jáne «Telekom Saýda» JShS dırektory Nurjan Mamytov ta kómekterin jiberdi.
- Bul oqıǵa eshkimdi beı-jaı qaldyrmady. Shymkent qalasynyń bıznes qaýymdastyǵy Maqtaaral aýdanynda qaıǵyly oqıǵa bolǵan sátten kómektesýdi qolǵa aldy. Shymkent qalasynyń Kásipkerler palatasy zardap shekkenderdiń qoryna qarajat aýdardy. Kásipkerlerimiz qolma-qol aqsha, azyq-túlik jáne negizgi qajettiliktermen qamtamasyz etýdi jalǵastyrýda, - dep atap ótti О́rgebas aýylynda ótken kezdesýde Kásipkerler palatasynyń dırektory Nurlan Qabyshtaev.