Premer-Mınıstrdiń orynbasary Eraly Toǵjanov tótenshe jaǵdaı kezinde qazaqstandyqtarǵa kórsetilgen áleýmettik kómekter jaıynda aıtty.
- «BizBirgemiz» jobasy aıasynda 363 myńdaı adamǵa 818 mlrd teńge kóleminde kómek kórsetildi. Áleýmettik jaǵdaıy tómen otbasylarǵa 5 mln maska tegin taratyldy. Aldyńǵy shepte júrgen 2000-nan astam dárigerlerge qarjylaı kómek kórsetildi. Sonymen qatar Qasym-Jomart Toqaevtyń tapsyrmasymen barlyq óńirlerde azyq-túlik taýarlarynyń turaqtylyq qorlary quryldy. Halyqtyń negizgi azyq-túlik taýarlarymen turaqty túrde búginde qamtamasyz etýde, - dedi Eraly Toǵjanov.
Sondaı-aq ol áleýmettik mańyzy bar azyq-túlik taýarlarynyń 19 túri boıynsha qosymsha qun salyǵy jyl sońyna qaraı 12 paıyzdan 8 paıyzǵa deıin tómendetilgenin aıtyp ótti.
- Taýar óndirýshilerge 8,7 mlrd teńgege kómek kórsetildi. Josparlanǵan kóktemgi egis naýqany úshin qazaqstandyq fermerlerge «Agrarlyq nesıe korporasııasy» arqyly 5 paıyzdan aspaıtyn mólsherde 70 mlrd teńge bólindi. Bul jyldaǵy qalyptan 10 paıyzǵa kóp. Atalǵan naqty sharalarmen 2405 naqty osy aýyl sharýashylyq sýbektileri qamtyldy, - dedi ol.