Búgin Qazaqstanda tótenshe jaǵdaı rejımi resmı túrde aıaqtaldy. Osyǵan baılanysty Qazaqstan Qarýly Kúshteriniń blokbeketterinde kúsheıtý, eldi mekenderdi dezınfeksııalaý jáne patrýldeý boıynsha kezekshilikke tartylǵan jeke quramy men áskerı tehnıka ózderiniń turaqty ornalasqan pýnktterine oralady. Bul týraly Qorǵanys mınıstrliginiń baspasóz qyzmeti habarlady.
Pýnktterine jetkizý áskerı-kólik avıasııasynyń kúshterimen, sondaı-aq óz júristerimen júzege asyrylady.
Bul rette, arnaıy jıyndarǵa shaqyrylǵan aýmaqtyq qorǵanys áskerleriniń áskerı qyzmetshileri óz mindetterin buryn bekitilgen merzimderge jáne jergilikti atqarýshy organdardyń josparlaryna sáıkes oryndaýdy jalǵastyrady.
Elde tótenshe jaǵdaı engizilgen kúnnen bastap áskerılerge rejımdi qamtamasyz etý jáne vırýstarmen kúreste mańyzdy mindetter júkteldi. Áskerı qyzmetshiler aýmaqtar men obektilerdi óńdeýdi júrgizip, blokbeketterde jáne patrýlderde qyzmet atqardy.