Jobalar qatań baqylanady

Oblys ákimdiginiń málimetin­she, baǵdarlamanyń oryndalýy jóninde ótken otyrysta óńir basshysy Ábilqaıyr Sqaqov árbir jobanyń iske qosylýy qatań baqylaýda bolatynyn eskertken. Iаǵnı, baqylaý ba­ry­sy jumys oryndaryn qurý­ǵa arnalǵan mem­lekettik baǵdar­lamany naqty iske asyrý men merzimi úshin ja­ýap­kershilik júkteıdi.

– Biz tizbelegen 200 jobanyń iske qosylýy – óńirde 12 myńnan astam adamnyń jumyspen qam­tylýy degen sóz. Bul adam­dar­dyń kóbi «Jumyspen qam­tý ortalyqtarynda» ju­mys­syz re­t­inde esepte tur­ǵa­ny belgili. Sol úshin de «Jumys­pen qamtýdyń jol kartasy-2020» boıynsha jos­parlanǵan bar­lyq joba jyl sońyna deıin aıaq­talýy tıis, – dedi Ábil­qaıyr Sqaqov.

Turǵyndardy jumyspen qamtý baǵdarlamasy elimizdegi tótenshe jaǵdaı kezindegi ahýalǵa oraı qala, aýdan ákimderine, túrli bas­qarmalarǵa barlyq joba­lyq jáne konkýrstyq qujat­tama­lardy qaıta qaraý qa­jettigi tapsyryldy. Endi «Jumyspen qamtýdyń jol kartasy-2020» baǵ­darlamasy jergilikti Sybaılas jemqorlyqpen kúres qyzmeti mamandarynyń baqylaýynda bolmaq. Buǵan qosa ony Nur Otan par­tııasynyń músheleri, qalalyq, aýdandyq máslıhat depýtattary, jurtshylyq qadaǵalaıdy. Barlyq jumystardy qadaǵalaý barysy foto, beınetirkeý múmkindigimen birge mobıldi qosymsha top qurylady.

Qatań túrdegi baqylaý jańa jumys oryndaryn qurý, óńir turǵyndarynyń áleýetin arttyrýda jobalar qunynyń ósýine, jumystardyń sapasyz oryndalýyna jol bermeýi qajet.

Oblystyq Tekserý komıs­sııasynyń saıtynan buǵan deıin baǵdarlamalarǵa bólingen qyrýar qarajattyń qalaı maqsatsyz jáne tıimsiz jumsalǵanyn kórýge bolady. Sybaılas jemqorlyqqa qarsy is-qımyl agenttigi Pav­lodar oblysy boıynsha departamentiniń basshysy Aı­dar Tastemirovtiń aıtýynsha, osy jyly óńirde sybaılas jemqorlyq faktileri bo­ıynsha 70 qylmystyq is tergelgen bolsa, 15 qylmystyq is sotqa jiberilgen.

– Jalpy merdigerler ju­my­synyń monıtorınginde sybaılas jemqorlyq áreketterine jol bermeý úshin bul iske jergilikti quqyq qorǵaý organdarynyń qa­tysýyn da suraımyz, – dedi Ábil­qaıyr Sqaqov.

Al shaǵyn jáne orta kásip­kerlik jumysyn turalatqan qazirgi jaǵdaıda iske asyrylýǵa usy­nylǵan jobalardy tek­seretin, ýaqytty sozatyn komıssııa tek­serýleri alyndy. Oblys bo­ıynsha 45 myńnan astam sha­ǵyn jáne orta kásipkerlik ny­sannyń ıeleri Mindetti áleý­mettik me­dısınalyq saqtan­dyrý tó­lemderinen, basqa da jar­nalar, aýdarymdardan bosatyldy. Úkimettiń Qaýlysymen Kásipkerlikti qoldaýǵa arnalǵan memlekettik baǵdarlamalardyń salalyq shekteýleri de joıyldy.

О́ńirlik Kásipkerlik jáne saý­da basqarmasynyń basshysy Jaıyq Hasanovtyń aıtýynsha, «Bıznestiń jol kartasy-2020» men «Qarapaıym zattar ekonomıkasy» baǵdarlamalary aıasynda bıyl oblystaǵy shaǵyn jáne orta bıznesti qoldaýǵa 5 mlrd teńge bólingen.

Jyl basynda «Bıznestiń jol kartasy-2020» baǵdarlamasy boıynsha quny 2,2 mlrd teńge turatyn óńdeý ónerkásibi, kólik salalaryna arnalǵan 112 jobaǵa qoldaý kórsetildi. Sonymen qatar 6,3 mlrd teńgege 193 jobadan turatyn top quryldy. «Qarapaıym zattar ekonomıkasyna» jyl basynan beri quny 4,4 mlrd teńge bolatyn 16 joba iske asyrylsa, 22,3 mlrd teńgege 59 joba usynyldy.

Baǵdarlamalar iskerlik bel­sen­diliktiń tómendeýi, karantın rejimi jaǵdaıynda kásip­kerlik qyzmettiń ýaqytsha toq­tatylýy, ekinshi deńgeıli bank­terde zańdy tulǵalarǵa qyzmet kór­setýdiń shektelýinen jumys barysy tómendegen. Biraq joba­lardyń ýaqytynda oryndalmaýyna bul da sebep emes. Bu­ǵan deıin de qap­t­aǵan sandardyń ortasynda qal­ǵan jarymjan jo­balar­dan basqarmalardyń óz­de­ri de adasyp júrgen-di. Son­dyqtan oblys ákimdigi «Bıznes­tiń jol kartasy-2020», «Qa­ra­­paıym zat­tar ekono­mıkasy» baǵdar­lamalarynyń basym­dyqtary men talaptaryn jer­gilikti jerde túsindirý, aqpa­rat­tandyrý boıynsha júr­gizilgen jumystyń nátı­jesin naq­ty­laıtyn esep berýdi mindettedi.

Pavlodar oblysy