Búgin búkil álem Halyqaralyq meıirbıkeler kúnin atap ótýde. Bıylǵy aq halatty jandardyń merekesi dúnıejúzi halqyn ýysynda ustaǵan indetpen, jahanǵa jaıylǵan pandemııamen qatar keldi.
Al osyndaı kúrdeli kúnderde táýlikpen sanaspaı, otbasyn aılap kórmeı, densaýlyq salasyna qyzmet kórsetip jatqan meıirbıkelerdiń armııasy myńdap, mıllıondap sanalady. Olar naýqastardyń ultyna, násiline, áleýmettik jaǵdaıyna qarap jiktemeı, kúndiz-túni pasıentterdiń janynan tabylyp otyr.
Tipti, koronavırýstyq pandemııa kezinde myńdaǵan medbıke jumys barysynda indetke shaldyqty. Birqatar memleketterde júzdegen medısına qyzmetkeri osy vırýstan kóz jumdy.
Sonymen, búgin densaýlyq saqtaý salasyndaǵy mańyzdy mereke - Halyqaralyq medbıkeler kúnine oraı, aq halatty perishtelerge qazaq-qytaı tilderinde án arnaldy.
Shekara tańdamaıtyn bul indetti Qudaı qosqan kórshilerimiz - Qytaı eli kúsh biriktirip, aýyzbirshilik tanytqanda birlesip jeńetinimizge jigerlendiredi.