Qaraǵandy oblysynda taǵy úsh adamnyń SOVID-19 dertin juqtyrǵany resmı túrde anyqtaldy, dep habarlady oblys ákiminiń baspasóz qyzmeti.
Pasıentterdiń ekeýi Temirtaý qalasynyń 1977 jáne 1988 jyldary týǵan turǵyndary. Al úshinshisi – Abaı aýdanynda turatyn 46 jastaǵy er adam. Ol úı karantıninde bolǵan eken.
Búgingi, ıaǵnı 13 mamyrdaǵy málimet boıynsha, Qaraǵandy oblysynda koronavırýs juqtyrýdyń 200 oqıǵasy resmı túrde tirkelgen. Úsh naýqas osy indetten qaıtys boldy jáne 99 pasıent jazylyp shyqty.