Qostanaı oblysynda jol qurylysyna qatysty 600-ge jýyq kemshilik anyqtaldy

 - «Qarabutaq-Qostanaı» jobasy  boıynsha salynatyn joldyń jalpy uzyndyǵy 114 shaqyrym bolady.  Qazir jumys júrip jatyr. Jol sapasyna qoıylatyn talaptardyń barlyǵy saqtalýy shart.  Máselen, jer tóseminiń qurylymy, tósemniń tómengi jáne ústińgi qabatynyń qalyńdyǵy normaǵa saı bolýy kerek. Sondyqtan bizdiń mekeme jol boıynda júrip jatqan jumysty tolyq qadaǵalap otyr. Asfalt-betondy qospanyń jáne kern synamalary alyndy. Olar kelesi synaqtar úshin synaq zerthanasyna tasymaldandy» - dedi Jol aktıvteri ulttyq sapa ortalyǵy mekemesiniń oblystyq fılıal basshysy Abylaıhan Alshynbaev.

Fılıal basshysynyń aıtýynsha, Qostanaı oblysy arqyly ótetin «Ortalyq-Batys» jobasy da «Nurly jol» baǵdarlamasy boıynsha júzege asyrylyp jatyr. Jalpy uzyndyǵy 401 shaqyrymdyq joldy qamtıtyn bul joba Elordany batys aımaqtarmen tikeleı kólik dálizi arqyly qosýdy kózdeıdi.

–  Bizdiń mekeme joldyń zamanaýı tehnologııalar arqyly salynýyna muryndyq bolǵanymen, naqty sapasyna tapsyrys berýshi tikeleı jaýapty. Jol salasynda jańa ádistemeler men tehnologııalardy tıimdi engizý, kepildik merzimderin ulǵaıtý, jol ınfraqurylymynyń qaýipsiz­digin arttyrý basty mindetimizge kiredi. Joldy kúrdeli jáne ortasha  jóndeýden ótkizý, avtomobıl joldaryn kútip ustaý kezinde qurylys-montaj jumystary men materıaldardyń sapasyna saraptama júrgizýdi josparǵa qoıdyq. Jalpyǵa ortaq paıdalanylatyn avtomobıl joldary men eldi mekenderdiń kóshelerin kútip ustaý sapasyn jaqsartý maqsatynda normatıvtik-tehnıkalyq bazany jetildirý ústindemiz. Oblysta byltyrdan beri tekserý jumystary belsendi júrgizilýde. Sońǵy bir jyl ishinde respýblıkalyq jáne jergilikti mańyzy bar avtomobıl joldarynda 624 tekserý júrgizip, 593 zań buzý áreketin anyqtadyq. Jol qurylysy nysandarynan 702 synama alynyp, zerthanalyq taldaýǵa jiberildi. Nátıjesinde jol qurylysynda 81 materıaldy paıdalanýǵa tyıym salyndy. Qazir 28 synama tekseristen ótýde, - deıdi fılıal dırektory Abylaıhan Alshynbaev.

Qostanaı oblysy