Memleket basshysy Nursultan Nazarbaevtyń atyna «Uniao Planetaria» medıaholdınginiń prezıdenti, «TV Supren» telearnasynyń bas dırektory Ýlısses Rıedelden hat keldi, dep habarlady Prezıdenttiń baspasóz qyzmeti.
Memleket basshysy Nursultan Nazarbaevtyń atyna «Uniao Planetaria» medıaholdınginiń prezıdenti, «TV Supren» telearnasynyń bas dırektory Ýlısses Rıedelden hat keldi, dep habarlady Prezıdenttiń baspasóz qyzmeti.
«Biryńǵaı ǵalamshar» qoǵamdyq birlestigine de jetekshilik etetin Ý.Rıedel óz hatynda 2013 jyldyń 29 tamyzynda Qazaqstannyń Brazılııadaǵy elshiliginiń uıymdastyrýymen búkil álem boıynsha ıadrolyq synaqtardyń qurbandaryn bir mınýt únsizdikpen eske alý rásimine qatysqany týraly málimdegen.
«Osy oraıda, Sizdi «ATOM jobasy» jumysynyń tabysty júrgizilýimen, sondaı-aq óz elińizdiń aýmaǵynda ıadrolyq qarýdy synaýdy tolyq toqtatýǵa baǵyttalǵan dana kúsh-jigerińiz úshin shyn júrekten quttyqtaýyma ruhsat etińiz», – delingen hatta.
Avtor ıadrolyq qarýsyzdanýǵa qol jetkizýge baǵyttalǵan mundaı naýqannyń asa mańyzdy ekenin de atap ótken. Ý.Rıedel memleketterdiń, halyqtardyń jáne násilderdiń birligin nyǵaıtý arqyly álemdik, baýyrlastyq jáne yntymaqtastyq órkenıettiń modeline ıe bolatynymyzǵa toqtalǵan.
Hat sońynda Ý.Rıedel Memleket basshysyn «Biryńǵaı ǵalamshar» birlestiginiń aqparattardy taratý jáne búkil álemde ıadrolyq qarýdy joıý isinde ózge de kómegin kórsetýge jan-jaqty atsalysýǵa daıyn ekendigine sendiredi.