Eńbek kóshi-qony zańdastyrylady

Keshe palata Tóraǵasy Nurlan Nyǵmatýlınniń tóraǵalyǵymen ótken jalpy otyrysta Májilis birqatar zań jobalaryn jumysqa qabyldap, jańa zań aktilerin maquldady, dep habarlady osy palatanyń baspasóz qyzmeti.

Keshe palata Tóraǵasy Nurlan Nyǵmatýlınniń tóraǵalyǵymen ótken jalpy otyrysta Májilis birqatar zań jobalaryn jumysqa qabyldap, jańa zań aktilerin maquldady, dep habarlady osy palatanyń baspasóz qyzmeti.

Palata aıryqsha jaǵdaı­lar­da Biryńǵaı kedendik tarıf­tiń mólsherlemelerinen erek­she­lenetin kedendik ákelý baj­darynyń mólsherlemelerin qol­danýǵa qatysty túzetýlerdi ju­mysqa qabyldady. Qujat Bir­yńǵaı kedendik tarıftiń mól­sher­lemelerinen erekshelenetin ım­porttyq keden bajdaryn birjaqty tártippen qoldanýdyń barynsha uzaq merzimin belgileýge múmkindik beredi.

Sondaı-aq, Májilis Qazaqstan men Tájikstan úkimetteri arasyn­daǵy О́teýsiz áskerı-tehnıkalyq kó­mek kórsetý týraly kelisimdi ra­tıfıkasııalaý týraly zań joba­syn jumysqa qabyldady. Qujatqa sáıkes, Qazaqstan tarapy Tájikstanǵa túrli áskerı múlik­terdi óteýsiz berý túrinde óteý­siz áskerı-tehnıkalyq kómek kórsetedi.

Jalpy otyrysta Májilis depýtattary maquldaǵan taǵy bir qujat qosarlanǵan salyq salýdy boldyrmaý týraly Qazaqstan-Lıýksembýrg úkimetaralyq kon­vensııasyn ratıfıkasııa­laý týraly zań jobasy boldy. Ol boıynsha Ýaǵdalasýshy memleketterdiń biriniń nemese ekeýiniń rezıdentteri bolyp tabylatyn jeke jáne zańdy tulǵalardyń tabysy men kapıtalyna qosarlanǵan salyq salýdy joıý kózdeledi. Konvensııada, sondaı-aq, tabystyń paıda bolý memleketinde tómendetilgen mól­sherlemeler boıynsha dıvıdentterge, paıyzdarǵa jáne roıalıtıge salyq salynýy múmkin erejeler kózdelgen.

Qujattyń maqsaty – salyqtyq jaltarýǵa jol bermeý úshin Qa­zaqstan men Lıýksembýrgtiń quzy­retti organdary arasynda aqparat almasýdy júzege asyrý prosesin reglamentteý.

Sonymen birge, halyq qalaýly­lary eńbek kóshi-qony jónindegi zańnamalyq túzetýlerdi ekinshi oqylymda maquldady. Zań jobasynyń basty maqsaty eńbekshi kóship-qonýshylardy zańdastyrý bolyp tabylady. Sondaı-aq, jeke tulǵalardyń sheteldik jumys kúshin tartýyna ruhsattar berý tártibi ońaılatylatyn bolady.

Zań jobasyn qabyldaý kóshi-qon baqylaýynyń tıimdiligin arttyryp, bıýdjetke túsetin túsimderdi ulǵaıtady dep kútilýde.