Eldegi karantın kezinde barsha qazaqstandyqtar judyryqtaı jumylyp, muqtaj otbasylaryna qaıyrymdylyq sharalaryn jasady. Áli kúnge úzdiksiz jalǵasyn taýyp jatqan ıgi sharaǵa mektep ustazdarynyń da belsendi atsalysyp júrgeni belgili.
Osy oraıda Almaty qalasy Alataý aýdany №178 lıseı ujymy «30 kún orazada-30 ıgilikti is» qaıyrymdylyq aksııasy aıasynda áleýmettik jaǵynan az qamtylǵan 30 otbasyǵa, qaıyrymdylyq kómegin berip, ımandylyqtyń, tárbıeliliktiń, parasattylyqtyń ónegesin kórsetip, ıgi dástúrdi jalǵastyryp keledi.
«178 lıseı» KMM-niń dırektordyń tárbıe isi jónindegi orynbasary Jazıra Ábýova «Qaıyrymdylyq jasasań, qaıyrymyn óziń kóresiń» demeı me dana halqymyz. Adamnyń adamǵa taza nıetin, adamgershilik, rýhanı qarym - qatynasyn kórsetetin ımanı, saýapty ıgi is. Qazaq halqy qashanda kómekke muqtaj adamdardy qanatynyń astyna alyp, qamqorlyq tanytýdan esh taıynbaǵan. Jany jaqsylyqty qalap turatyn jany jaısań, jomart jandar qashanda qol ushyn sozýǵa daıyn» dep atap ótti.
ALMATY