Balalarǵa arnalǵan anımasııalyq fılm búldirshinderge jol tartty
2011 jyly Ońtústik Qazaqstan oblysynyń ákimi Asqar Myrzahmetovtiń tikeleı bastamasymen Ishki saıasat basqaramasy janynan «Áleýmettik bastamalar ortalyǵy» memlekettik kommýnaldyq mekemesi ashylǵan bolatyn.
Balalarǵa arnalǵan anımasııalyq fılm búldirshinderge jol tartty
2011 jyly Ońtústik Qazaqstan oblysynyń ákimi Asqar Myrzahmetovtiń tikeleı bastamasymen Ishki saıasat basqaramasy janynan «Áleýmettik bastamalar ortalyǵy» memlekettik kommýnaldyq mekemesi ashylǵan bolatyn.
Atalmysh ortalyq ulttar men ulystar arasyndaǵy tatýlyq, dinı turaqtylyqty qamtamasyz etý, eldiń áleýmettik jaǵdaıyn kóterý jolynda oblys aýmaǵynda belsendiligimen kózge túsip keledi. Ortalyqtyń dırektory N.Tursynbaı: «Biz qazirgi kúni jahandaný ári aqparattyq tehnologııanyń qaryshtap damý satysyndamyz. Sondyqtan jastar jáne jasóspirimderdi otandy súıý, ultaralyq dostastyqty nyǵaıtýǵa baılanysty jobalardy júzege asyrýda zaman kóshinen qalmaý bizdiń basty maqsatymyz», deıdi.
Ortalyq erteńgi kúnimizdiń tutqasyna aınalar urpaǵymyzdyń tárbıesi, olardyń oı-órisin damytyp, júrekterine ımandylyq, otansúıgishtik, meıirimdilik nuryn sebý máselesin de udaıy nazarda ustaýda. Jýyrda ǵana «Áleýmettik bastamalar ortalyǵynyń» tapsyrysymen kórermen qaýymǵa jol tartqan «Kók tý jáne dostar» atty qysqametrajdy anımasııalyq joba sonyń aıǵaǵy.
Jańa mýltfılm eldiń yntymaq birligine syzat túsirmeý, ultaralyq tatýlyqty saqtaý, elimizdiń bolashaǵy búldirshinderimizdi otansúıgishtikke tárbıeleý, sonymen birge, búkil jer sharyna elimizdi tanytýdy kózdeıdi. Sondaı-aq, fılmniń ssenarııin jazǵan «Jebe» kınokompanııasynyń dırektory Kerimbek Nııazbaev ortalyqtyń mamandarymen keńese otyryp, týyndyny balalardyń dúnıetanymyna saı, salt-dástúrine berik, memlekettik rámizderdi dáripteıtin, olardyń otanshyl, namysshyl, aqyldy, parasatty tulǵa bolyp qalyptasýyna úles qosýdy basty nazarda ustaǵan.
«Egemen-aqparat».