«Dobroe serdse lider.kz» volonterlyq uıymy volonterlar izdeıdi. Jumys aýqymy keńeıgen soń qarbalas sharýanyń bárin tolaıym atqarý birshama qıyndyq týdyryp otyr ári volonterlardyń qaramy kóbeıse, qaıyrymdylyqtyń da aýqymy eselene túser edi deıdi eriktiler.
Olar bes jyldan beri kómekke muqtaj jandarǵa qol ushyn sozyp keledi. Syrqat jandardyń em-domyna qajetti qarajat jınaıdy. Máselen, bıyl eń kóp jınalǵan qarjy 1 mln 200 myń teńge. Bul aqshaǵa ekinshi toptaǵy múgedek Dına Qurmanǵojınaǵa tynys alý apparatyn alyp berdi.
Eldegi tótenshe jaǵdaı kezinde uıym volonterleri aýyzbirshilik tanytyp, 250 otbasyǵa azyq-túlikpen kómektesti. 4 balanyń emine qarjylaı qoldaý kórsetti. Kúni búginge deıin 12 sábıge kómek bergen. Maıdangerlerdi de quttyqtap, qarttardy da elep-eskerip otyrady. Qazir uıymda 400-deı volonter bar. Alaıda, olardyń tek 50-60-y ǵana belsendi. Kelesi aptada olar kómekke zárý 500 turǵynǵa azyq-túlik sebetin taratpaq. Sondyqtan, uıymǵa qosymsha kómek kúshi qajet.
– Biz meıirimdi jandardy óz uıymymyzǵa qosylyp, qaıyrymdylyq jasaýǵa shaqyramyz. Qarjylaı kómek berińiz demeımiz. О́ıtkeni, qazir qatarymyzǵa birtindep demeýshiler qosylýda. Bizge tek jármeńke, túrli shara uıymdastyrýǵa kómektesetin, jastardy izgi amaldar jasaýǵa nasıhattaıtyn jandar qajet,- deıdi «Dobroe serdse lider.kz» volonterlyq uıymynyń jetekshisi Irına Katýhova.
Zamandastarymyzdyń basym bóligi jaqsylyq jasaýǵa talpynyp tursa, álem de meıirlene túspeı me?!
Aqmola oblysy