Bir shańyraq astynda úsh polıseı turady. Atasy, balasy jáne nemeresi. Jalpy áýletten 10 tynyshtyq kúzetshisi shyqqan. Bul otbasynda áskerı qyzmet atadan balaǵa mıras bolyp kele jatqandaı.
Elaman aqsaqal ishki ister organdarynda otyz jylǵa jýyq qyzmet etken eken. Polkovnık sheninde zeınetke shyqqan. Qos uly da áke izin jalǵap, quqyq qorǵaý salasyna eńbek etýde. Biri – kapıtan, ekinshisi – maıor. Bir qyzyǵy Elaman Nurlanulynyń kúıeý balasy da polısııa qyzmetkeri. Qazir zeınette.
– Bárimiz ishki ister salasynda qyzmet istedik. Bizdiń izimizdi baýyrlarymyz, balalarymyz, qaryndastarymyz jalǵastyryp jatqanyna dán rızamyz,- deıdi otstavkadaǵy podpolkovnık Ertaı Jumajan.
Áýlettiń nemeresi – Edil Ertaıuly da ata jolyn qýǵan. Qalalyq polısııa basqarmasynda tergeý bólimin basqarady. Aǵa leıtenant. Bul mamandyqty júrek qalaýymen tańdaǵan.
– Ákem men atamnyń ishki ister organdarynda qyzmet etýi meniń de bul salaǵa kelýime yqpal etti. Olardyń ónegesin uǵyp, úlgisin aldym,- deıdi qalalyq polısııa basqarmasynyń bólim bastyǵy, aǵa leıtenant Edil Jumajan.
Edildiń naǵashy atasy ekinshi dúnıejúzilik soǵysqa qatysyp, «Qyzyl Juldyz» ordenimen marapattalǵan jaýynger. Artynda qalǵan áýletten jalpy sany 10 polıseı shyqqan. Osylaısha, batyr urpaǵy Otan aldyndaǵy azamattyq boryshyn adal ustanyp keledi.
Aqmola oblysy