Qorǵaljyn aýdanynda ózenge shomylǵan jasóspirim sýǵa batyp ketti. Al Býrabaı aýdanynda turǵyn úıden shyqqan órtti sóndirý kezinde eki adamnyń máıiti tabyldy.
Tótenshe oqıǵa Qorǵaljyn aýdanyndaǵy Sabyndy aýylynan 8 shaqyrym jerde oryn alǵan. Oqıǵa kýágerleriniń aıtýyna qaraǵanda, bes stýdent Nura ózenine sýǵa túsýge barǵan. 2002 jyly týǵan jasóspirim sýda shomylyp júrip, jaǵalaýdan tym alystap ketkenin baıqamaı qalǵan bolýy kerek.
– Departamenttiń sýdan qutqarý otrıadynyń súńýirleri ile aýdanǵa jiberildi. Izdestirý jumystary nátıjesinde jasóspirimniń denesi tabylyp, sýdan shyǵaryldy. Marqumnyń Nur-Sultan qalasyndaǵy kolledjde oqıtyny belgili boldy,- deıdi oblystyq tótenshe jaǵdaılar jónindegi departamentiniń bastyǵy Alekseı Sovetov.
Shýchınsk qalasyndaǵy 4 qabatty turǵyn úıden órt shyqqan. 50 sharshy metr aýmaqty sharpyǵan jalyndy aýyzdyqtaýǵa 2 tehnıka men 11 órt sóndirýshi jumyldyrylǵan.
– О́rt sóndirý barysynda as bólmeden eki adamnyń máıiti tabyldy. 1967 jylǵy er adam men 1979 jyly týǵan áıel. Qyzynyń aıtýynsha, ata-analary temeki tartady eken. Sondyqtan, órttiń shyǵýyna temeki tuqyly sebep bolýy ábden múmkin,–deıdi departament bastyǵy Alekseı Sovetov.
О́tken jyly oblys aýmaǵynda 22 adam sýǵa ketken bolatyn. Jyl basynan beri órt saldarynan 10 adam qaza tapqan. Nesin aıtasyz, qanshama adamnyń ajaly ot pen sýdan bolyp tur.