Búgin óńirlik jedel shtab osyndaı sheshim qabyldady. Jitiqara aýdanynyń ákimi Abaı Ybyraevtyń aıtýynsha, jergilikti halyqqa qyzmet kórsetý ortalyǵyna kúnine 200-den astam adam keledi eken. Jıi resimdeletin qujattardyń deni negizinen jedel mańyzy joq qyzmetterge jatady.
«Turǵyndar sanıtarlyq talaptardy únemi saqtaı bermeıdi. Aımaqtaǵy ahýaldy eskersek, bul indettiń taralý qaýpin kúsheıtedi. Sondyqtan halyqqa qyzmet kórsetý ortalyǵynyń jumysyn karantın merzimi aıaqtalǵansha toqtata turýdy suraımyz»,- dedi aýdan basshysy. Jedel shtab ákim usynysyn maquldady.
Esterińizge sala ketsek, búginge deıin Jitiqara aýdanynda COVID-19 vırýsyn juqtyrǵan 52 adam anyqtalyp, 1 naýqas kóz jumdy.
Qostanaı oblysy