Eńbek jáne halyqty áleýmettik qorǵaý mınıstrligi janyndaǵy jumys toby Áleýmettik jáne eńbek salalary boıynsha qoǵamdyq keńestiń múshelerin saılaý jónindegi konkýrsqa qatysýǵa ótinimderdi qabyldaýdy jalǵastyrýda. Qujattardy qabyldaý 4 mamyrda bastalyp, 2020 jyldyń 19 mamyryna deıin jalǵasady. Bul týraly mınıstrliktiń baspasóz qyzmeti habarlady.
Qoǵamdyq keńestiń quramyna memlekettik organdardyń ókilderi jáne konkýrstyq negizde «Qoǵamdyq keńes týraly» zańynda belgilengen tártippen kommersııalyq emes uıymdardyń ókilderi, azamattar kiredi. Quramyndaǵy músheler sany - 12 adam.
Qoǵamdyq keńeske on segiz jasqa tolǵan Qazaqstan Respýblıkasynyń azamaty múshe bola alady.
Sonymen qatar, úmitkerdiń:
- sottylyǵy bolmaýy;
- zańda belgilengen tártippen sot tanyǵan sybaılas jemqorlyq qylmys jáne (nemese) sybaılas jemqorlyq quqyq buzýshylyq úshin kináli bolmaýy;
- psıhıkalyq aýrý, ishimdikke, esirtkige táýeldilik boıynsha densaýlyq saqtaý uıymdarynda tirkelgen bolmaýy kerek.
Baıqaýǵa qatysý úshin:
- kommersııalyq emes uıymnyń jazbasha usynysy jáne (nemese) azamattyń óziniń Qoǵamdyq keńeske múshelikke ótýge ótinishi;
- ómirbaıandyq málimetter kórsetilgen úmitkerdiń kásiptik jáne (nemese) qoǵamdyq qyzmeti týraly aqparat.
Kommersııalyq emes uıymnyń usynysy jáne (nemese) azamattyń óziniń Qoǵamdyq keńeske múshelikke ótýge ótinishi jazbasha túrde, úmitkerdiń aty-jóni, kásiptik jáne (nemese) qoǵamdyq qyzmeti týraly málimetter, ómirbaıandyq málimetter jáne onyń joǵarydaǵy talaptarǵa sáıkestigin rastaıtyn qujattar kórsetilip jiberilýi qajet.
Qoǵamdyq keńes múshelerin irikteý konkýrsynda baıqaýshy bolýǵa nıet bildirgen azamattar jumys tobynyń otyrysyna baıqaýshy retinde qatysýǵa elektrondyq poshtaǵa ótinish jiberedi.
Qujattar elektrondy túrde kelesi meken-jaıǵa jiberilýi tıis: a.kabdullina@enbek.gov.kz, n.zhansarinova@enbek.gov.kz; aqparat úshin uıaly telefondar 8-778-193-01-56; 8-705-523-43-30. Ár kommersııalyq emes uıym jáne óz usynystaryn bergen árbir azamat bir úmitkerden artyq emes usyna alady.