Soltústik Qazaqstan oblysynyń ákimi Qumar Aqsaqalov ótken aptada Qyzyljar aýdanyna jumys saparymen bardy. Ol aldymen aýdan ortalyǵyndaǵy jóndeý jumystarymen tanysty. Osy Beskól selosyndaǵy 40 kósheniń joldaryn jóndeýge bıyl 800 mln teńge bólingen. Sonymen birge olardy jaryqtandyrýǵa 60 mln teńge qarastyrylǵan.
Mundaǵy ortalyq qazandyq pen jylý júıeleri de jańartylǵan. Qazir olarǵa 18 kópqabatty úı qosylǵan. Al jańa jylý maýsymynda taǵy 32 úı qosylmaqshy.
О́ńir basshysy osy aýdandaǵy Iаkor selosyna da bardy. Munda áleýmettik nysandardyń bárine jóndeý jáne abattandyrý jumystary júrgizilmek. Oǵan 150 mln teńge bólingen. Bul qarajatqa burynǵy balabaqsha da qalpyna keltirilmekshi.
Ákimniń sapary jalǵasqan Asan selosynda da osyndaı jumystar júrgizilýde. Olarǵa 156 mln teńge bólingen. Bul somanyń 79 mln mektep te kúrdeli jóndeýden ótkiziledi. Sanasııa tásilimen úılerge sý jetkizilgen. Keń jolaqty ınternetke de qol jetkizilgen.
Ákim at basyn tiregen sońǵy aýyl – Sokolovka selosy. Bul kezinde aýdan ortalyǵy bolǵan birshama úlken jáne Reseıdiń Túmen oblysyna shyǵaratyn shekaradaǵy eń úlken eldimeken. Bıyl onyń ishki joldaryn jóndeýge 74 mln teńge bólinipti. Dárigerlik ambýlatorııanyń kúrdeli jóndeýine 61 mln teńge bólingen.
Oblys ákimi bastalyp jatqan jóndeý jumystaryna qanaǵattanarlyq bildirip bylaı dedi: «Biz qazir perspektıvasy bar selolardaǵy jóndeýlerdiń aıaǵyna deıin ózimiz baqylaımyz. Barlyq júıeli máselelerdi ózimiz sheshemiz. Osyndaı keshendi jumystardan keıin aýyl men selo ákimderine baqylaıtyn jumys ta qalmaıdy», dedi ol.
Sonymen birge oblys ákimi Qumar Aqsaqalov aýdandaǵy egis jumystarynyń júrgizilý barystarymen tanysty.
Soltústik Qazaqstan oblysy