Búgin Atyraýda 32 adamnan koronavırýs ınfeksııasy tabyldy. Onyń beseýi Reseıdiń Astrahan oblysymen shekaradaǵy Qurmanǵazy aýdanynda anyqtalyp otyr.
Tótenshe jaǵdaı rejımin qamtamasyz etý jónindegi óńirlik jedel shtabtyń habarlaýynsha, Túrkistan oblysynyń1996, 1992, 1995, 1996, 1988 jyldary týǵan bes turǵyny Atyraýǵa Reseı Federasııasynan kelipti. Olardan alynǵan test qorytyndysynda qaýipti ınfeksııanyń bary rastalǵan.
Sondaı-aq Teńiz kenishiniń 27 jumysshysynan da qaýipti indettiń belgisi anyqtaldy. Olardyń 21-i –er adam, al, altaýy –áıel. Bulardyń bári ınfeksııalyq stasıonarǵa jatqyzyldy.
Osylaısha, búgin Atyraý oblysynda qaýipti indetti juqtyrǵan 506 adam tirkeldi. Naýqastardyń arasyndaǵy 428 adam – Teńiz kenishinde jumys istegen jumysshylar. Al, 147 pasıent qaýipti indetten jazylyp shyqty.